Foto: Twitter
Tydens die Wimbledon-finaal Sondagmiddag het die 35-jarige Roger Federer met 6-3, 6-1, 6-4 teen die 28-jarige Kroaat Marin Cilic gewen. Dit was die eerste keer sedert 1976 (met Bjorn Borg) wat iemand die Wimbledon-toernooi gewen het sonder om eenkeer ’n stel te verloor tydens die uitdunrondtes.
'); googletag.cmd.push(function() { googletag.display('dfp-300x250-1'); }); document.write(''); }Federer en Borg het nog iets in gemeen. Borg het vyf keer die Wimbledontoernooi gewen en dit nogal vyf keer in ’n ry tussen 1976-1980. Federer het ook vyf keer in ’n ry gewen tussen 2003 en 2007. Die ander jare was 2009, 2012 en natuurlik 2017.
'); googletag.cmd.push(function() { googletag.display('dfp-300x250-6'); }); document.write(''); }Federer het ook die rekord gebreek vir die meeste Wimbledon-oorwinnings sedert dié toernooi se Ope-era (sedert 1968). Hy het nou agt Wimbledon-titels agter sy naam. Hy het sy held, Pete Sampras, verbygesteek. Sampras het sewe oorwinnings (1993, 1994, 1995, 1997, 1998, 1999, 2000) gehaal by Wimbledon. Bjorn Borg volg met vyf titels.
'); googletag.cmd.push(function() { googletag.display('dfp-300x250-2'); }); document.write(''); }Federer is verder die enigste tennisspeler wat elf keer tot die Wimbledon-finaal deurgedring het: hy het agt keer gewen en drie keer verloor. Hierdie rekord geld vir Wimbledon se algehele geskiedenis, beide tydens die Ope en Amateur-era’s.
'); googletag.cmd.push(function() { googletag.display('dfp-300x250-3'); }); document.write('Vergeleke met vrouetennis is die mans nog agter. Martina Navratilova hou die rekord vir die meeste oorwinnings by Wimbledon: sy het nege keer gewen (1978, 1979, 1982, 1983, 1984, 1985, 1986, 1987, 1990). Steffi Graf is kort op haar hakke met sewe titels (1988, 1989, 1991, 1992, 1993, 1995, 1996) en daarna is dit Venus Williams met vyf (2000, 2001, 2005, 2007, 2008). Billie Jean King, wat in beide die Ope- en Amateur-era’s deelgeneem het, hou ses titels. Die lys van vrouespelers wat tydens ’n hele Wimbledon-toernooi nie een keer verloor het nie is langer as die manslys. Dit sluit in Billie Jean King, Margaret Court, Evonne Goolagong Cawley, Chris Evert, Martina Navratilova, Steffi Graf, Jana Novotna, Lindsay Davenport, Venus Williams, Serena Williams, Maria Sharapova, Petra Kvitova en Marion Bartoli.
Federer is vierde uit die wêreld se hoogste betaalde atlete volgens die 2017-Forbes-lys. Christiano Ronaldo (sokker) loop voor, gevolg deur LeBron James (korfbal) en Lionel Messi (sokker). Die naaste tennisspeler op die lys is Novak Djokovic in die 16de plek, gevolg deur Rafael Nadal op 33 en Andy Murray is 40ste. Hierdie inkomste is nie net van prysgeld nie, maar kom ook van borgskappe af. Federer se inkomste draai naby $64miljoen.
Federer het ’n groot deel van die seisoen uitgesit oor ’n kniebesering en hy het nie gedink dat hy sou wen nie. Hy noem ook dat hy bekommerd is oor sy ouderdom – hy is ouer as meeste van sy teenstanders. Hy het egter bewys dat dit belangrik is om goed te herstel en dat veggees en die regte houding tel. Alhoewel hy bekommerd was oor sy fiksheid tel die feit dalk dat hy as pa van twee stelle tweelinge onder die ouderdom van 10 gereeld agter hulle moet aanhardloop!
MSI is opgewonde om ons eksklusiewe vakansieverkope aan te kondig, wat van 10 Desember tot…
Die lewe is te kort om al jou eie foute te maak. Leer by ander…
Los jy jou potjies se deksels oop of staan jou skoonheidsprodukte in die son? Dan…
Maak hierdie maklike gemmerbier - dit bevat nie gis nie! Dis die heerlikste afkoel-drankie.
Vonkelwyn is ryk aan geskiedenis Die tradisie om met vonkelwyn iets te vier word histories…
Met hierdie wenke sal jy soggens die spreekwoordelike gousblom eerder as die molshoop wees, al…
Hierdie webwerf gebruik koekies.