Revolusionêre aktivis binnekort in SA te sien

Hy is die stigter van die wêreldwye Slow Food-inisiatief wat 27 jaar gelede sy ontstaan gehad het nadat Petrini ’n protesaksie teen die opening van Italië se eerste McDonald’s wegneemrestaurant, bygewoon het.

'); googletag.cmd.push(function() { googletag.display('dfp-300x250-1'); }); document.write(''); }

Dit is danksy dié inisiatief wat duisende mense vandag in sy visie deel om beide hongersnood en vetsug te bekamp, die gehalte van ons kos te verbeter en ook die impak wat landbou op die omgewing het, te verminder.

'); googletag.cmd.push(function() { googletag.display('dfp-300x250-6'); }); document.write(''); }

Sy meesterlike kennis oor al dié onderwerpe het van hom ’n man gemaak na wie daar oor die wêreld heen geluister word.

'); googletag.cmd.push(function() { googletag.display('dfp-300x250-2'); }); document.write(''); }

Sy kundigheid het ook aan hom die titel as Spesiale Ambassadeur vir Geen Honger in Europa besorg deur die Kos en Landbou Organisasie (FAO) van die Verenigde Nasies – ’n VN-agentskap wat poog om wêreldwye hongersnood teen die jaar 2030 totaal in die wiel te ry.

Petrini is vanjaar tussen 11 en 17 Augustus by die Slow Food Johannesburg en Kaapstad Convivia te sien. Sy besoek is geïnspireer nadat hy te wete gekom het dat dié Suid-Afrikaanse afdeling van sy inisiatief beloof om 10 000 groente- en vrugtetuine regoor Suid-Afrika op te rig. Gevolglik sal Petrini tydens sy besoek by ’n paar van dié tuine aangaan ten einde sy ondersteuning vir dié inisiatief te toon.

'); googletag.cmd.push(function() { googletag.display('dfp-300x250-3'); }); document.write(''); }

Slow Food het sedert 2010 ’n netwerk van tuine regoor Afrika opgerig met die doel om die kontinent se buitengewone biodiversiteit te red. Ses jaar later staan hulle met ’n nuwe droom: om tuine by skole in Suid-Afrika se plaaslike nedersettings op te rig sodat die omliggende gemeenskap van goeie gehalte kos verseker kan wees.

Vir meer besonderhede, besoek slowfood.co.za.