Instructions
1 Gebruik ’n menger met ’n deeghaak. Dreineer die vye, sit in die mengbak en meng dit met die suiker, sout, gis, kaneel, gemengde speserye, anys, gerasperde skil en broodmeel.
2 Meng die melk, botter en eier saam en gooi stadig by die meel terwyl die masjien aan is. Meng vir sowat 10 min. tot die deeg glad en elasties is.
3 Bedek die bak en laat die deeg vir 1 uur in die meng-bak rys tot dubbel die grootte.
4 Voorverhit die oond tot 200 °C. Voer ’n groot bakplaat met bakpapier uit.
5 Knie die deeg vir 1 min. Rol 18 rolletjies uit en pak hulle in ’n sirkel op die bakplaat uit. Laat 1 cm tussen elke rolletjie oop.
6 Gooi met ’n skoon kombuisdoek toe en laat rus vir 30 min.
Pasta
1 Meng die broodmeel, water en sonneblomolie tot glad.
2 Skep in ’n spuitsak en spuit ’n kruis op elke rolletjie.
3 Smeer met eierglaseersel en bak vir 15-20 min. tot goudkleurig en gaar.
Glanslaag
1 Meng die suiker, water en speserye saam in ’n klein kastrol en kook vir 1 min.
2 Smeer die stroop oor die rolletjies sodra hulle uit die oond kom.
Haselneut-en-lemoen-botter
Genoeg vir 375 ml
100 g haselneute
100 g makadamianeute
2 lemoene, in kwarte gesny
Verhit die oondrooster.
1 Sit die lemoenkwarte op ’n bakplaat en sit reg onder die oondrooster. Rooster tot die bopunte begin skroei.
2 Haal uit en sit in ’n voedselverwerker.
3 Rooster die neute in ’n middelslagpan tot goudkleurig en voeg by die lemoene in die voedselverwerker.
4 Maak fyn tot ’n pasta vorm.