Maropeng Ralenala, kliniese sielkundige van Johannesburg, lag lekker toe sy vertel hoe sy as tiener daarop aangedring het dat haar ma haar onmiddellik dokter toe moet neem met haar “velsiekte.”
'); googletag.cmd.push(function() { googletag.display('dfp-300x250-1'); }); document.write(''); }“My eie eerste rekmerke het my geweldig ontstel. Ek het gedink ek het ’n vreeslike toestand wat my gaan vermink en net erger gaan raak. Ek was so ontsteld dat ek my ma gedwing het om my na ’n velspesialis te neem. Ek was oortuig die situasie was heeltemal te ernstig vir ’n gewone dokter! Daarom verstaan ek hoe selfbewus meisies daaroor is, hoe dit hul selfbeeld en liggaamsbeeld knou, hoeveel angs dit skep en hoe hulle hul liggame as minderwaardig en lelik begin sien.
'); googletag.cmd.push(function() { googletag.display('dfp-300x250-6'); }); document.write(''); }Net soos die meeste meisies, was ek heeltemal onbewus daarvan dat rekmerke die reël is. Byna almal – sewe uit elke tien meisies – kry rekmerke. Dit is glad nie vreemd of uitsonderlik nie. Maar vir elke jong meisie is haar eie rekmerke nuut en ontstellend – en ja, selfs lelik, tensy iemand haar van die ware betekenis van rekmerke vertel.”
'); googletag.cmd.push(function() { googletag.display('dfp-300x250-2'); }); document.write(''); }
Destigmatisering begin by jou, sê Maropeng. Jy as ma is die een wat jou dogter die beste kan help om haar lyf lief te kry.
'); googletag.cmd.push(function() { googletag.display('dfp-300x250-3'); }); document.write(''); }“Gesels met haar, eerstens om oor te dra dat rekmerke ‘eretekens’ is en tweedens dat rekmerke normaal is en nie haar skuld is nie. Begin deur jou rekmerke vir haar te wys. Stel dit in ’n positiewe lig. Jy kan byvoorbeeld sê dat die patroontjies vir jou baie mooi is. Vertel haar dat jy meer rekmerke gekry het toe jy haar verwag het en hoe bly jy oor haar was, en dat jy hulle beskou as eretekens, want elkeen vertel dat jy van dogter na vrou en van vrou na ma verander het. Sy moet ook weet dat byna alle meisies en omtrent die helfte seuns rekmerke het.”
“Nog iets om te onthou: gesels met jou dogter in daardie tyd wanneer sy vining begin ontwikkel, al sê sy niks nie. Baie meisies is te verleë en voel te verneder om die gesprek aan te roer. Sy het die inligting nodig en moet veilig voel om uit te vra. Sy moet voel sy mag maar vra, haar vrae is geregverdig, en sy is vir jou absoluut mooi en kosbaar. Sy moet ook weet dat rekmerke nie letsels is nie, en dat dit nie haar skuld is omdat sy ‘te vet’ is nie. Hou alles daaromtrent mooi, normaal en gesond – wat dit in werklikheid is.
Melinda hou aan groei Die aktrise Melinda Viljoen het die afgelope paar…
Jacques Bessenger is vanjaar as beste manlike byspeler in ’n TV-drama (vir Hartklop) en beste…
In die hedendaagse vinnig veranderende sakewêreld, staan Suid-Afrikaanse maatskappye voor toenemende druk om mededingend, buigsaam…
Gys “Ek wil by jou wees, maar ons moet mekaar vergewe vir die verlede. Kom…
Jy het brooddeeg vir die resep nodig, maar as dit tyd knap is, kan jy…
Bestanddele 125 ml (½ k) sagte botter 125 ml (½ k) suiker 110 ml…
Hierdie webwerf gebruik koekies.