Naam:
Karyn Harrison
Waar ons was:
4-ster Protea Hotel Ranch Resort
Ligging:
Geleë in ‘n 1000 ha natuurreservaat 25 km suid van Polokwane
Tariewe:
www.theranch.co.za of 015 290 5000
Spesiale aanbod:
R725 per kamer per nag van 1 Desember 2012 tot 31 Jan 2013 ( minimum 2 nagverblyf) en 10% afslag op ontspanningsaktiwiteite. Meer inligting by www.theranch.co.za of 015 290 5000.
Atmosfeer:
Ontspanne en gesinsgerig
Wie almal daar was:
Ek, my man en ons dogter van16
Wanneer:
28-30 September 2012
Waar ons oorgeslaap het:
In ‘n ruim dubbelkamer met en-suite bad en stort, lugver-sorging, TV, kluis, tee- en koffiestasie en bottel wyn om ons welkom te heet.
Wat het dit onvergeetlik gemaak?
Die vriendelike, goedopgeleide personeel en die uitstekende kos.
Wat het my gefassineer:
Die hotel is die afgelope 52 jaar in die besit en onder die bestuur van die Shearer-familie. Van die personeellede kom al jare saam. Afgesien van wildbesigtiging, is die leeus ‘n reuse aantrekkingskrag – speel met die welpies en “stap met die leeus”.
Die ene genot
Dit was ‘n salig ontspanne naweek – die tuine is lieflik, veral die roostuin! Die vier swembaddens, waarvan twee verhit is, herinner aan ‘n toneel in Mauritius. My lang swemsessie in die verhitte swembad het my goed gedoen. Ons is op die een en ‘n halfuur lange wildsrit met ‘n goed ingeligte gids. Die leeus is in verskillende kampe, en hulle is mak! Ons het die kans gekry om met vier maande-oue welpies te speel. Ek sou dolgraag meer tyd saam met hulle wou deurgebring het. Daar is pragtige wit leeus en ons het ook die hiena-kamp besoek.
Voor aandete het ons iets in die gesellige kroeg gaan drink. Aandete was ‘n besondere ervaring in die fynkosrestaurant, Basil’s. Ons lamskenkel en filet was verruklik, maar wees gewaarsku – die porsies is ruim! Ons ontbyt in The Buttery was so groot dat ek nie eens kon dink aan middagete nie. Ons het egter onder die bome op die dek sit en tee drink terwyl ons die mooi tuin geniet. Daar is ook ‘n landingstrook, gholfbaan en pro shop, tennisbane, gimnasium, konferensie- en troufasiliteite, wildsritte, uitstappies met die leeus en perdritte.
Iewers op ’n eiland met ’n toring staan nog ’n skatkis wat R1 miljoen kontant…
Maak 30 koekies • 500 ml (2 k) koekmeel • 80 ml (1⁄3 k) kakao…
Geurige tamatie-en-wors-gebak. Resep deur Vickie de Beer Lees ook: Geurige worsies met sampioene en…
Vir hierdie heerlike gebakte Carbonara druk jy die blokkies mozzarella tussen die pennepasta in! Resep…
Ribollita is ’n Toskaanse sopbredie. Dit word soos ’n sop gemaak maar is so lekker…
Kaas-en-Marmite-mosbolletjiebrood deur Vickie de Beer. Foto: Lindy Kriek
Hierdie webwerf gebruik koekies.