Prettige poedingmandjie vir die kinders deur Vickie de Beer. Foto: Lindy Kriek

Prettige poedingmandjie vir die kinders

Serves: 4-6 Nutrition facts: 200 calories 20 grams fat

Ingredients

Karamelsous
• 1 blik karamel
• 250 ml (1 k) room
Witsjokolade-ganache
• 100 g witsjokolade, gekap
• 250 ml (1 k) room
Pak in
• 8-10 aarbeie
• 8-10 malvalekkers
• 125 ml (½ k) sjokolade-vermicelli
• 100 g gevlokte amandels, liggies gerooster

Instructions

Karamelsous
1 Gooi die karamel in ’n klein kastrol en verhit oor matige hitte. Laat effens afkoel.
2 Voeg die room by en meng goed deur. Gooi in ’n glas- of plastiekhouer wat dig seël.
3 Witsjokolade-ganache: Verhit die room in ’n klein kastrol, trek die kastrol van die hitte af en voeg die witsjokolade by. Roer tot die sjokolade gesmelt is. Gooi in ’n glas- of plastiekhouer wat dig seël.
4 Ryg die aarbeie en malvalekkers op sosatiestokkies. Gooi die vermicelli en amandels in twee verskillende digsluitende bakkies.
5 Pak alles in ’n piekniekmandjie en laat elke kind die aarbeie en malvalekkers in die onderskeidelike souse en bolae doop. Hou dit weg van die grootmense af!