Piesangbrood

Piesangbrood resep deur Vickie de Beer. Foto: Michael le Grange

Genoeg vir een groot brood.

Bestanddele

• 45 ml (3 e) sagte bruinsuiker
• 30 g (1⁄3 pakkie) gevlokte amandels
• 250 ml (1 k) suurroom
• 5 ml (1 t) koeksoda
• 110 ml (1⁄3 k + 2 e) gesmelte botter
• 250 ml (1 k) strooisuiker
• 2 eiers, geklop
• 420 ml (1½ k + 3 e) koekmeel
• 5 ml (1 t) bakpoeier
• 5 ml (1 t) fyn kaneel
• 250 g (sowat 2) ryp piesangs, fyn gedruk

Metode

Voorverhit die oond tot 180 °C. Voer ’n 12 cm x 22 cm-broodpan met bakpapier uit.

1. Meng die bruinsuiker en amandels en hou eenkant.
2. Meng die suurroom en koeksoda en laat staan vir 5 min. Meng dan die botter, strooisuiker en eiers by.
3. Sif die meel, bakpoeier en kaneel saam en meng deur die nat bestanddele. Meng die piesangs deur.
4. Gooi die mengsel in die broodpan en strooi die amandelmengsel bo-oor. 5 Bak vir 1¼ uur of tot ’n toetspen skoon uitkom. Laat in die pan afkoel. Die broodjie kraak bo-op – so moenie bekommerd wees nie.