kategorieë: Ontspanning

Pianiste seëvier by UNISA

Die vyfde Unisa Nasionale Klavierkompetisie het op 18 Julie 2015 geëindig met vier finaliste wat voor ’n volgepakte Z K Matthews-Grootsaal gespeel het.

'); googletag.cmd.push(function() { googletag.display('dfp-300x250-1'); }); document.write(''); }

Jazz-pianis Lungelo Ngcobo van Durban het die aand geopen met ’n afgeronde en professionele opvoering saam met Victor Masondo (bas) en Rob Watson (dromme).

'); googletag.cmd.push(function() { googletag.display('dfp-300x250-6'); }); document.write(''); }

Daarna het die Kaapse pianis Kyle Shepherd gevolg, ook in ’n jazz trio, met ‘n energieke en gevarieerde program wat Charlie Parker se Scrapple from the Apple, drie van sy eie komposisies en die voorgeskrewe stuk We will meet again van Billy Evans ingesluit het. Sy spel het beide die jurie en die gehoor beïndruk en hy is tydens die prysuitdeling met die eerste prys van R60 000 in die Jazz Kategorie beloon.

'); googletag.cmd.push(function() { googletag.display('dfp-300x250-2'); }); document.write(''); }

Na pouse het klassieke pianis Willem de Beer Beethoven se Klavierkonsert nr. 4 in G majeur voor sy tuisgehoor opgevoer saam met die Johannesburgse Filharmoniese Orkes gedirigeer deur Maestro Eric Rycroft. Sy vertolking van hierdie populêre konsert het die nodige musikaliteit ten toon gestel, gebalanseer met ‘n foutlose tegniek.

Die laaste optrede van die aand was Megan-Geoffrey Prins, ’n boorling van Riversdal en die wenner van die Klassieke Kategorie. Sy passievolle opvoering van Rachmaninov se monumentale derde konsert in D mineur het die gehoor op hulle voete gebring. Sy virtuositeit en totale kontrole oor die instrument is waarlik indrukwekkend en hy is ‘n waardige wenner van die kompetisie.

'); googletag.cmd.push(function() { googletag.display('dfp-300x250-3'); }); document.write(''); }

Prins het ook ’n nasionale konserttoer gewen, geborg deur Schalk Visser Concert Promotions.

Die tweede prys in elke kategorie was R35 000 en is toegeken aan Lungelo Ngcobo en Willem de Beer.

Ses spesiale pryse van R2 000 elk is ook toegeken. Lungelo Ngcobo het die prys vir die beste vertolking van ’n jazz standard in die eerste ronde ontvang, Kyle Shepherd het die prys gewen vir die beste opvoering van ’n Suid-Afrikaanse jazz komposisie in die tweede ronde en Megan-Geoffrey Prins het pryse vir die beste Barok-werk in Ronde 1 en die beste sonata in Ronde 2 gekry.

Die beste semi-finaliste in elke kategorie wat nie deurgegaan het na die finale ronde toe nie, soos bepaal deur die Skadu-jurie was Misha Meyer (Klassieke Kategorie) en Marcel Dednam (Jazz Kategorie).

Al vier die finaliste gaan deur na die opwindende 13de Unisa Internasionale Klavierkompetisie wat in Januarie 2016 plaasvind.

Deel
Gepubliseer deur
Rooi Rose

Onlangse plasings

‘The Mommy Club’ se Johandri: “As dit soos hoërskooldrama voel, hou ek my afstand”

Showmax se gewilde werklikheidsreeks, The Mommy Club: Van die Hoofstad bied ’n vars, maar soms…

1 day Gelede

Nuwe herfsspyskaart by Creation is meer as kos en wyn

Deur Maryke Roberts. Foto’s: Clifford Roberts     Creation het ook pas by die Eat…

1 day Gelede

Koek met sjokolade en souterige karamel

Lewer 1 groot koek   Bestanddele   Karamel met sout 200 g suiker 60 ml…

1 day Gelede

Vyf vrae aan Anna Davel oor Suidoosterfees se ‘Konsert van Hoop’

Die 22ste Suidoosterfees word ingelui deur ’n indrukwekkende konsert van populêre en klassieke musiek. Anna…

1 day Gelede

Vyf-vinnige-vrae-Vrydag met Kristen Raath oor ‘Niggies’ en ma-wees op skerm

Hooffoto: Stavros Cassapis   Sedert die eerste episode van Niggies op kykNET uitgesaai is, het…

1 day Gelede

PAS BEKEND | Nuwe kykNET-reeks verken dramas en intriges van nuuskantoor

Adri Joubert was vir twee dekades die koel, kalm, gerusstellende gesig en stem van die…

2 days Gelede

Hierdie webwerf gebruik koekies.