Payot-gesigbehandelings nou by Dis-Chem deur Hannelie Diedericks
Payot-gesigbehandelings
Payot-velsorgprodukte is in 1920 deur een van die eerste Franse vroulike dokters, Nadia Payot, gestig. Sy het haar mediese en wetenskaplike kennis gekombineer met haar kennis van kruie in al die produkte wat sy ontwikkel het.
Die prima ballerina Anna Pavlova was een van haar eerste kliënte. Anna se dansstyl het Nadia geïnspireer en sy het besef hoe belangrik die rol van massering in gesigbehandelings is. Dit het gelei tot die ontwikkeling van haar bekende masseertegniek wat uit 42 bewegings bestaan, en wat steeds in die Payot-gesigbehandelings gebruik word. Die tegniek, waartydens die terapeut se vingers amper soos danspassies in verskillende tempo’s oor die gesig beweeg, het werklike terapeutiese voordele deurdat dit die limfkliere, spiere en bloedsomloop stimuleer en aktiveer wat die vel helderder en jonger laat lyk.
Nou is Payot-gesigbehandelings in uitgesoekte Skin Strategy-salonne in Dis-Chem beskikbaar. Daar is vier soorte behandelings wat aan elke velsorgbehoefte sal voldoen:
- Payot Flash Hydratant (R495 vir 45 min.): ‘n vinnige, bevogtigende behandeling wat die vel opplomp.
- Payot Éclat Essential (R690 vir 60 min.): ‘n verhelderingsbehandeling, en sluit ‘n aftrekmasker in.
- Payot Liss Absolu (R895 vir 75 min.): ‘n afskilferbehandeling met alfa-hidroksiesure wat gevolg word deur ‘n bevogtigende hialuroonsuurmasker. Die behandeling fokus op fyn lyntjies en plooie.
- Payot Lift Absolu (R895 vir 75 min.): ‘n behandeling wat die vel fermer maak met ‘n hidrojelmasker.
‘n Lekker bonus vir alle Dis-Chem Benefit-lede is dat jy vir elke vier gesigbehandelings van dieselfde soort ‘n vyfde een verniet kry. Bespreek nou deur die Dis-Chem tak te bel of op die Dis-Chem app.
Dis-Chem takke waar die Payot-behandelings beskikbaar is
Gauteng
Johannesburg:
Athol Oaklands
Benmore
Boksburg North
Clearwater
Cresta
East Rand
Farrarmere
Greenstone
Killarney
Nicolway
Northgate
Roodepoort
Valley View
Pretoria:
Centurion
Glenfair
Montana
Olympus
Wonderboom
Noord-Wes:
Rustenburg
Vanaf 2020 sal dit ook hier beskikbaar wees:
Bloemfontein:
North Ridge
Noord-Wes:
Harties
Gauteng:
Jean Ave
Carlwald
Vir nog lekker nuus en raad oor velsorg, loer hier.
