Oopgevlekte hoender met salsa verde | rooi rose
Mon-Fri 09.00 - 17.00

Oopgevlekte hoender met salsa verde

04/03/2013

Oopgevlekte hoender met salsa verde

Serves: Genoeg vir 4 Nutrition facts: 200 calories 20 grams fat

Ingredients

  • Tapenade kom oorspronklik van die Provence af. Dié geurige mengsel maak van die hoender iets spesiaals. Salsa verde beteken “groen sous”, dit is ’n intense kombinasie van kruie wat heerlik saam met geroosterde vleis is. Ons het ’n rooi ui vir ekstra kleur en smaak bygesit.
  • 1 heel hoender van sowat 1,2 -1,3 kg, oopgevlek
  • 1 x 125 g-botteltjie swart olyftapenade
  • sout en gemaalde swartpeper
  • Salsa verde
  • 125 ml (½ k) vars koljanderblare
  • 125 ml (½ k) vars Italiaanse
  • pietersielie
  • 125 ml (½ k) vars kruisementblare
  • 30 ml (2 e) kappertjiesaad
  • 1 ansjovisfilet
  • 1 knoffelhuisie, gekap
  • 15 ml (1 e) suurlemoensap
  • 60 ml (¼ k) olyfolie
  • ½ rooi ui, gekap
  • gemaalde swartpeper

Instructions

1 Lig die vel liggies op en druk die tapenade oral onder die vel in. Sprinkel olyfolie, sout en gemaalde swartpeper oor albei kante van die hoender.
2 Maak vuur in ’n ketelbraaier. Krap die gloeiende kole eenkant toe. Sit die hoender met die oopgesnyde kant op die rooster aan die kant sonder kole. Sit die deksel op en rooster vir 25 min.
3 Maak solank die salsa verde: Meng die koljanderblare, pietersielie, kruisementblare, kappertjiesaad, ansjovisfilet en knoffel in ’n voedselverwerker. Voeg die suurlemoensap en olyfolie by en meng goed deur. Meng die rooi ui by en geur na smaak.
4 Draai die hoender om en braai vir nog 15 min. of tot gaar. Sit voor met salsa verde.

 

 



Avatar
Rooi Rose

Lees Meer

Lenteslaai met ’n verskeidenheid eiers
30/10/2024
Kerriehoenderpastei met maklike aartappeldeeg
16/10/2024
Laekoolhidraat-wraps
08/10/2024




Send this to a friend