Wat is vir ’n kunstenaar die verskil tussen ’n entoesiastiese bewonderaar en ’n teisteraar? Die sanger/tromspeler Ghapi het in sy loopbaan al ’n paar keer met aanhangers te doen gehad wat ’n bietjie té meegevoer geraak het. Hy verduidelik wat is die verskil:
Entoesiastiese bewonderaar
• Is passievol oor jou oorspronklike musiek.
• Het al jou CD’s en DVD’s.
• Ken die name en woorde van jou oorspronklike liedjies.
• Woon gereeld jou vertonings by en kla nie om vir die kaartjie te betaal nie.
• Respekteer jou as mens en jou privaatheid.
• Respekteer jou tyd en gun ander ook ’n kans om te gesels.
Teisteraar
• Stel nie regtig in jou kuns belang nie, maar gebruik dit as ’n wapen om by jou uit te kom.
• Probeer altyd verniet by ’n vertoning inkom deur hulle as deel van die bestuurspan of familie voor te doen.
• Gryp elke geleentheid aan om jou te annekseer en is soos ’n seekat oor jou.
• Wil by elke geleentheid duisend foto’s van jou neem.
• Stuur onvanpaste briewe met foto’s, e-posse met halfnaakfoto’s en facebook-boodskappe met seksuele voorstelle.
• Probeer by almal vasstel waar jy bly, waar jy gim, waar jy eet en waar jou familie woon.
• Stel vas in watter gastehuis jy ná ’n optrede bly en wag jou in jou kamer in.
• Gun ander mense nie die tyd om met jou te gesels of foto’s te neem nie, en word jaloers en moeilik as jy nie aandag aan hulle gee nie.
• Maak of hulle deel van jou bestuurspan is en “tref reëlings” met die organiseerders van die geleentheid.
• Raak omgekrap as hulle nie na private geleenthede toe genooi word nie.
• Probeer vriende maak met jou band, familie of vriende sodat hulle na jou huis genooi kan word.
• Aanvaar nie nee vir ’n antwoord nie.
