Editorial use only Mandatory Credit: Photo by Paul Currie/BPI/Shutterstock (10298886t) Janine Van Wyk of South Africa duding the warm up Spain v South Africa, FIFA Women's World Cup 2019, Football, Stade Oceane, Le Havre, France - 08 Jun 2019
Ons trots: Banyana Banyana – Deur Zoë Salzwedel. Hooffoto: Shutterstock/Greatstock
'); googletag.cmd.push(function() { googletag.display('dfp-300x250-1'); }); document.write(''); }Ons Suid-Afrikaanse nasionale vrouesokkerspan, beter bekend as Banyana Banyana, is tans in Frankryk waar hulle oor die volgende paar weke aan die FIFA Vroue Wêreldbekertoernooi sal deelneem.
'); googletag.cmd.push(function() { googletag.display('dfp-300x250-6'); }); document.write(''); }Banyana Banyana het vanjaar vir die éérste keer in die Suid-Afrikaanse geskiedenis vir die FIFA Wêreldbekertoernooi gekwalifiseer nadat hulle in die halfeindrondte van die Women’s Africa Cup of Nations vir Mali 2-0 gewen het.
'); googletag.cmd.push(function() { googletag.display('dfp-300x250-2'); }); document.write(''); }
Die Women’s Africa Cup of Nations het tussen 17 November 2018 en 1 Desember 2018 in Ghana plaasgevind, waar Nigerië, Suid-Afrika en Kameroen dié kontinent se drie kwalifikasie-plekke vir die FIFA Vroue-Wêreldbekertoernooi opgeëis het.
Banyana Banyana, 49ste op die wêreldranglys, het op Saterdag (8 Junie 2019) in hulle eerste groepwedstryd in die Franse Hawestad, Le Havre, teen Spanje afgeskop. Spanje lê 13de op die wêreldranglys.
Die Suid-Afrikaanse vroue het almal verras toe hulle in die 25ste minuut van hulle debuutwedstyd die voortou ná ’n teenaanval geneem het. Niemand anders nie as Thembi Kgatlana (die Afrika-sokkerfederasie se Speler van die Jaar) het dié geskiedkundige doel geskop!
Ongelukkig was die Spanjaarde nét te sterk en het Suid-Afrika die wedstryd verloor. Banyana Banyana mag dalk hulle eerste wêreldbekerwedstryd 3-1 verloor het, maar dié span het geskiedenis gemaak en alle Suid-Afrikaners trots gemaak!
Banyana Banyana het op 30 Mei 1993 hulle eerste amptelike wedstryd teen Swaziland gespeel, maar wie sou ooit kon raai dat die Suid-Afrikaanse vrousokkerspan 26 jaar later aan die FIFA Wêreldbekertoernooi sou deelneem?
China (16de op die wêreldranglys) en Duitsland (2de op die wêreldranglys) is Suid-Afrika se ander twee groep-teenstanders. Suid-Afrika pak China Donderdagaand, 13 Junie, om 21:00 aan. Hulle sal ook Maandagaand, 17 Junie om 18:00, teen Duitsland te staan kom.
Volg gerus al die aksie van die FIFA Wêreldbekertoernooi tussen 14 en 20 Junie op SuperSport 3 (kanaal 203) en SuperSport 4 (kanaal 204) om 17:45 en 20:45 op DStv. Neem ook deel aan die gesprek deur die hutsmerke #FIFAWWC, #BanyanaBanyana, #Limitless en #DareToShine op Twitter te gebruik.
Van een ding is ons seker, en dít is dat die wêreld se oë beslis op Banyana Banyana en hulle hoofafrigter, Desiree Ellis, gerig is!
Genoeg vir 4. Bestanddele 500 g vars pasta, soos tagliatelle of spaghetti 250 ml…
Om jou hond se ore skoon te maak is ’n noodsaaklike deel van sy basiese…
Bestanddele 3-4 groot rooi soetrissies, middeldeur gesny, en wit vliesies en pitte verwyder. sout…
Ons almal het een of ander slegte gewoonte. Die goeie nuus is dat jy dit…
Van speelskool na grootskool: 5 wenke deur Mariette Snyman. Foto Pixabay Om by die…
Met die strandseisoen op ons, kyk ons na die moets en moenies om te verseker…
Hierdie webwerf gebruik koekies.