Die sangeres en Dreamgirls-ster Jennifer Hudson het betowerend gelyk by die 40ste People’s Choice Awards wat in die Nokia-teater in Los Angeles gehou is. Haar spierwit rok deur Kaufman Franco het haar nuwe, nog skraler figuur beklemtoon. Ons is ook mal oor haar hare, grimering en skoene.
Jennifer kry 10 uit 10 vir haar uitrusting!
Sy het weggestap met die Humanitêre-toekenning vir haar bydrae aan die Julian D. King Gift-stigting. Jennifer het die stigting saam met haar suster, Julia Hudson, opgerig ter ere van hul nefie Julian King wat vermoor is. Die doel van die stigting is om stabiliteit en positiewe ervarings aan kinders uit verskeie agtergronde te gee, sodat hulle gelukkige volwassenes vol selfvertroue kan word.
Bron: Daily Mail
Ons ♥ haar wit skoene en swart naellak.
