Filet + Boulangère-aartappels + Bordelaise-sous + spekwortels

Genoeg vir 6

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

Luukse Bordelaise-sous

'); googletag.cmd.push(function() { googletag.display('dfp-300x250-2'); }); document.write(''); }

Bordelaise-sous is ’n ryk aftrekselreduksie wat murg bevat. Dis vir seker een van die heel luuksste kombinasies saam met steak.

15 ml (1 e) olyfolie
1 ui, fyn gekap
10 ml (2 t) tamatiepasta
250 ml (1 k) rooiwyn
500 ml (2 k) sterk en goeie beesvleisaftreksel
3 murgbene (vra jou slagter om hulle effens langer te sny sodat jy genoeg murg kan kry)

'); googletag.cmd.push(function() { googletag.display('dfp-300x250-3'); }); document.write(''); }

1 Braai die ui in die olie tot goudbruin.
2 Voeg die tamatiepasta by en braai vir 1-2 min. of tot dit uitgekook is.
3 Gooi die rooiwyn by en krap die aangebrande stukkies ui op die boom met ’n vurk los.
4 Voeg die aftreksel by. Verlaag die hitte en kook af tot dit met die helfte verminder en verdik het. (Hou dit goed dop, want dit kan baie gou brand.)
5 Pak die murgbene op ’n bakplaat en rooster vir 6-7 min. onder die oondrooster, of tot die murg sag genoeg is om uit te druk. Meng die stukkies murg by die sous en hou eenkant warm.

Boulangère-sous

Hierdie aartappelgebak is heerlik sag met ’n krakerige bolaag.

1 kg aartappels, geskil en in ronde skywe van 0,5 mm dik gesny
80 ml (1/3 k) tiemieblaartjies, fyn gekap
100 g botter, in klein blokkies gesny
310 ml (1¼ k) vleisaftreksel
60 ml (¼ k) room

Voorverhit die oond tot 180 °C. 1 Pak die aartappels, tiemie en botterblokkies in lae in ’n oondbestande 1, 5 liter-bak. 2 Gooi die aftreksel en room oor die aartappels en bedek met foelie. Bak vir 30 min. by 180 °C. 3 Haal die foelie af, verhoog die temperatuur tot 200 °C en bak vir nog 20 min. of tot die aartappels goudkleurig en gaar is.

Spekwortels

200 g babawortels
250 g swoerdlose repiesspek, in die lengte middeldeur gesny sodat jy korter stukke het
45 ml (3 e) botter
30 ml (2 e) heuning
sout en gemaalde swartpeper

1 Kook die wortels vir 3-4 min. in gesoute water, of tot amper gaar. Gooi die water af.
2 Draai ’n repie spek om elke wortel.
3 Verhit die botter en heuning in ’n pan oor matige hoë hitte en braai die worteltjies vir 4-5 min. daarin tot goudkleurig en blink.

Braaiwenk: Koop steak só: Koop donkerrooi vleis – bly weg van vleis wat vaal of grys lyk. Koop ryp- gemaakte vleis wat minstens twee weke lank verouder is. Kies eerder vleis van vrylopende beeste.