Akwamasie of alkaliese hidrolise, wat ook as vlamlose verassing, waterverassing en bio-verassing bekendstaan, is ’n nuwe ekovriendelike manier om die liggaam te veras pleks daarvan om vuur te gebruik.
AVBOB is nou al meer as 105 jaar lank in die begrafnisbedryf. Dié maatskappy is toonaangewend in die bedryf en die grootste onderlinge vereniging in Afrika. Oor die jare het AVBOB tradisionele begrafnisdienste en verassing aan hul polishouers en nie-polishouers gebied. In 2019 het AVBOB egter akwamasie van stapel gestuur.
Akwamasie is die eerste keer in Maitland, Kaapstad, bekendgestel. Later, in Junie 2022, was dit aan Gauteng by AVBOB se tak in Pretoria-Wes bekendgestel. AVBOB beoog om akwamasie na verskeie plekke oor die land te neem.
Wanopvattings oor akwamasie
Aangesien akwamasie steeds nuut in Suid-Afrika is, bestaan daar heelwat wanopvattings daaroor. AVBOB probeer om duidelikheid te gee.
AVBOB gebruik sure in die akwamasieproses
AVBOB gebruik beslis nie sure in die akwamasieproses nie. Akwamasie gebruik eerder ’n katalisator wat alkali genoem word, wat presies chemies die teenoorgestelde van suur is. Die alkali gebruik in hierdie geval kaliumhidroksiedsoute.
AVBOB gebruik water direk van akwamasie om plante of gewasse mee water te gee
Die antwoord is ’n besliste nee. Die steriele water wat agterbly ná die proses voltooi is, word terug in die munisipale afvalwaterstelsel herwin. Sien meer inligting oor die proses hieronder.
Die akwamasieproses kook die liggaam
Akwamasie is ’n proses wat sagkens te werk gaan en die liggaam word nie gekook nie. Die akwamasieproses breek organiese materiaal sagkens tot die mees basiese boublokke af. Sien meer inligting oor die proses hieronder.
Is die proses veilig vir die omgewing?
AVBOB stel innovering eerste in alles wat hulle doen. Die alkali wat akwamasie gebruik, is daarom veilig vir die omgewing. Die watergegronde proses gebruik ’n oplossing wat 95% water en 5% alkali bevat, wat die kaliumhidroksied is.
Die akwamasieproses
Die liggaam word in ’n bewaarplek neergelê.
Die liggaam word dan in ’n steriele kamer van vleklose staal geplaas.
Water wat sagkens vloei, matige temperature en hoë alkaliniteit word gebruik om die natuurlike afbreekproses te verhaas.
Alle organiese materiaal word sagkens tot hul mees basiese boublokke afgebreek.
Ons liggaam bestaan uit ongeveer 60% water. Gedurende die akwamasieproses bly slegs die organiese minerale (kalsium) oor. Dit word dan liggies verpoeier.
Die oorblyfsels (as) word aan die familie in ’n kruik oorhandig.
Families ontvang 20-30% meer as tydens akwamasie.
Wat oor is aan die einde van die proses, is die bene (wat aan die familie teruggegee word) en ’n onskadelike, steriele vloeistof (wat geen spoor van DNS of RNA bevat nie) en wat terug in munisipale afvalwater gesirkuleer word.
Alle chemikalieë is ná die proses heeltemal passief.
Lees ook: Etiket by ’n begrafnis
