Is dit ’n dogtertjie-ding, wonder ek? Dié hebberigheid, soos my Hollandse vriendin Marion sal sê. Daardie onverklaarbare drang om alles te wil hê. Hoe gebeur dit dat pienk en Barbie iewers langs die pad plek maak vir ander moet-hê-wil-hê drange? Ons ken dit goed. ’n Loopbaan, ’n man, ’n huis, kinders, tyd saam met hulle langs die sportveld, oorsese reise, ‘n perfekte lyf, ‘n ontwerpers klerekas, agt ure slaap elke nag. Alles. Verkieslik tegelyk.
Ek lees onlangs in die weekblad, Time, wat Sheryl Sandberg, uitvoerende operasionele hoof van die sosiale netwerk Facebook, sê oor (veral) vroue se drang om altyd alles te wil hê. Sheryl, skrywer van die onlangs-gepubliseerde boek Lean In: Women, Work and the Will to Lead, bevestig wat ons reeds weet: niemand van ons kan alles hê wat ons begeer nie.
As entrepreneur-ma weet ek dit maar al te goed: jy het dalk effens meer vryheid as ander werkende ma’s, maar werk is werk. Kliënte het bepaalde verwagtinge.
In die Time-artikel verwys Sheryl na een van haargunsteling-plakkate in die Facebook-kantore, “Done is better than perfect”. Sy’t hierdie gesegde haar eie gemaak, sê die vrou wat die wenkbroue laat lig het omdat sy elke dag om 17:30 haar kantoor verlaat om tyd saam met haar man en jong kinders deur te bring terwyl baie van haar kollegas lang ure werk.
Ek en Sheryl het eending in gemeen. Ons het geleer dat jy daagliks jou eie prioriteite moet bepaal. Anders as my dogter weet ek dat ek nie alles kan kry wat ek sien nie. Ek moes op die harde manier leer dat dit nie altyd in jou guns tel om na perfeksie te streef nie. Soms help ‘n bietjie afstand, of ‘n outydse prioriteitslys.
Ek weet ek is ‘n beter ma omdat ek werk. Jou omstandighede lyk dalk anders. Maar nie ek, Sheryl, jy of my liefkind Emma kan alles kry wat ons harte begeer nie. Vir my werk dit om te fokus op dít wat vir my belangrik en lekker is. Die res moet wag.
Tensy dit ‘n onweerstaanbare pienk prinsesrok is, natuurlik.
Tot volgende week,
Marí
www.incontext.co.za
'); googletag.cmd.push(function() { googletag.display('dfp-300x250-3'); }); document.write(''); }Moenie hierdie 5 mites oor olyfolie glo nie: Ingevoerde olyfolie is beter as Suid-Afrikaanse olyfolie…
Gebakte vis in geurige tamatiesous Lees ook: RESEP: Armand Aucamp se witvis met vanieljesous van Tahiti…
Hierdie lekker resep vir tamatiesop is ideaal vir ’n vinnige aandete in die middel van…
Deur Maryke Roberts. Foto’s: Clifford Roberts en Vergelegen Die historiese landgoed, Vergelegen op Somerset-Wes, het…
Vinnige lamskerrie 4 porsies Bestanddele: 1 ui, fyngekap 100 g kerriepasta 1 kg lamsvleis, in…
Julie: Doen dit in die tuin 1. Snoei rose teen einde Julie of…
Hierdie webwerf gebruik koekies.