Die keuse van die roete is afhanklik van jou fiksheidsvlakke. Daar is opsies vir ’n maklike stappie en iets vir diegene wat meer van ’n uitdaging hou.
Die roetes bied ’n verskeidenheid plante en stel ook die geologie en geskiedenis ten toon. Daar is selfs nog ’n ou ossewa naby die stalle en ’n aantal grafte in die gebied.
Die Peerboom/Veekraal-roete bestaan uit twee maklike dele van 30 en 45 minute se stap onderskeidelik. Die Namaqua-vy staptog kan tot ’n uur neem om te voltooi. Hierdie roete sluit rustige stap in, maar beweeg ook oor rotsagtige granietheuwels. Mense met hoogtevrees moet hierdie een liefs vermy.
Daar is geen waterpunte op die paaie nie en stappers moet genoeg water saamneem. Pak ook ’n kospakkie want daar is ’n aantal pragtige rusplekke langs die pad.
Luiperdskloof is ’n eksklusiewe drie-slaapkamer eenheid wat weggesteek lê in ’n pragtige deel van die park in die Kamiesberg Berge. Dit is twee tot drie uur se ry vanaf ontvangs. Dit kan slegs bereik word met ’n 4×4-voertuig en daar is geen elektrisiteit nie. Dis toegerus met ’n gasstoof, olie-lanterns en kerse. Die kombuis is toegerus, maar daar isgeen yskas/vrieskas nie.
Artikel geneem vanuit SANParks Times. Klik hier vir navrae of bel +27-27-672-1948.
Lees Meer
