Nóg medaljes vir span SA

Vyf silwermedaljes en een brons. Dit is waar Suid-Afrika tans staan by die 2016 Olimpiese Spele in Rio de Janeiro. Hierdie naweek was veral ook een vir die boeke met ’n inspirerende verhaal wat vir lank onthou gaan word.

'); googletag.cmd.push(function() { googletag.display('dfp-300x250-1'); }); document.write(''); }

Die verspringer Luvo Manyonga het Sondagoggend (SA-tyd) by die Olimpiese stadion in Rio ’n welverdiende silwermedalje gewen met ’n sprong van 8.37 meter. Jeff Henderson van Amerika het Manyonga in die laaste rondte met slegs een sentimeter gewen.

'); googletag.cmd.push(function() { googletag.display('dfp-300x250-6'); }); document.write(''); }

Manyonga se verhaal is ’n inspirerende een wat vir lank onthou gaan word. Op 19-jarige ouderdom is Luvo as junior-wêreldkampioen gekroon, maar kort voor lank het ’n tikverslawing sy lewe heeltemal oorgeneem. In 2014 moes hy so te sê vir sy lewe veg en vandag is hy ’n gesonde man met ’n Olimpiese silwermedalje in die sakkie!

'); googletag.cmd.push(function() { googletag.display('dfp-300x250-2'); }); document.write(''); }

In nog merkwaardige Olimpiese nuus het Chad le Clos en sy grootste teenstander, Michael Phelps, Saterdagoggend (SA-tyd) die eindronde van die 100 m-vlinderslag in presies dieselfde tyd geswem. Le Clos, Phelps én Laszlo Cseh van Hongarye het sáám silwer gewen nadat Joseph Schooling van Singapoer hulle al drie gewen het! Schooling het nie net gewen nie, maar ook ’n nuwe Olimpiese rekord opgestel met ’n tyd van 50.39 sekondes. Die drie silwermedaljewenners het in ’n tyd van 51.14 sekondes klaargemaak.

'); googletag.cmd.push(function() { googletag.display('dfp-300x250-3'); }); document.write(''); }

Die vyf silwermedaljes en een bronsmedalje vir Suid-Afrika is as volg

• Cameron van der Burgh (silwermedalje in die 100 m-borsslag)
• Chad le Clos (silwermedalje x2: 200 m-vryslag en 100 m-vlinderslag)
• Die roeiers Lawrence Brittain en Shaun Keeling (silwer vir die roei-kompetisie vir mans)
• Luvo Manyonga (silwermedalje vir verspring vir mans)
• Die blitsbokke (bronsmedalje)

In nóg atletiek-nuus vir SA

• Die 400 m-wêreldkampioen, Wayde van Niekerk, hardloop Maandagoggend (SA-tyd) in die eindronde van die dié item vir mans. Hy het Saterdag tydens die halfeindronde in ’n tyd van 44.45 sekondes geëindig.

• Irvette van Zyl moes haar aan die marathon vir vroue onttrek nadat sy ’n stresfraktuur in haar voet opgedoen het.