Naweeknuus 13 November 2017

Gisteraand was die Suid-Afrikaanse Sporttoekenningseremonie. Die wenner van beste sportman is aan die verspringatleet Luvo Manyonga, en die beste sportvrou is oorhandig aan Caster Semenya. Dyan Buis het die toekenning ontvang vir die beste sportman met ’n gestremdheid en Ilse Hayes het die toekenning ontvang vir beste sportvrou met ’n gestremdheid. Suid-Afrika se sewesrugbyspan, die Blitzbokke, is gekies as die Suid-Afrikaanse sportspan van die jaar 2017. Die prys vir beste nuweling is toegeken aan die hekkiesatleet Sokwakhana Zazini.

In ander sportnuus was die Telkom 947 Bergfietsresies hierdie naweek in Johannesburg. Die wenners van die 55km-roete is as volg. In die mans-kategorie is Wessel Botha eerste, Jan Withaar tweede, en Pieter du Toit derde. In die vroue-kategorie is Samantha Sanders eerste, Theresa Ralph tweede, en Natalie Strydom derde. Volgende naweek (18 November 2017) sal die bekende padfietsren plaasvind. Sterkte aan al die deelnemers! Kyk net hier, die joernalis, rooi rose se eie Anet Schoeman, het deelgeneem, en sy ry ook hierdie week in die padfietsren.

Hou jy van Anet se fietsrytrui? Jy kan ook een hier kry.

Daar is ’n toilet wat jy kan koop teen slegs $100 000. Wat maak dit dan so spesiaal? Wel, dis deur die kunstenaar Illma Gore en sy het egte Louis Vuitton-handsakke omskep in ’n troontjie in. Gore het vir drie maande hieraan gewerk en het 24 verskillende Vuitton-sakke gebruik gesamentlik ter waarde van $15 000.