Gesonde dieet: Beheer jou porsies!
Met Nasionale Voedingsweek word ons weer herinner dat die geheim van gesondheid in gesonde eetgewoontes en ’n goeie lewenstyl skuil.
Die geheim is om op porsiebeheer te fokus.
Naazneen Khan, gesondheidsbestuurder by Nestlé Suid-Afrika sê: “Oor die jare het porsiegroottes toegeneem en so ook ons kalorie-inname.”
Sy sê ons moet leer hoeveel ons liggame nodig het om ons ten volle gevoed, gesond en energiek te hou.
Sy stel voor jy gebruik die bord-model om jou porsies te beheer (sien foto onder). Daarvolgens kan jy die korrekte porsie proteïen, koolhidrate, groente en/of vrugte vir ontbyt, middagete en aandete kies:
• ¼ van jou bord moet bestaan uit proteïen, die grootte en dikte van jou handpalm
• ¼ van jou bord moet bestaan uit koolhidrate / stysels, ongeveer die grootte van jou vuis
• ½ van jou bord moet bestaan uit nie-stysel groente en / of vrugte, ongeveer die grootte van twee bak hande vol.
Maak seker jy eet van al die voedselgroepe, met ’n verskeidenheid opsies wat sal verseker dat jy ’n goeie balans voedingstowwe inneem om jou liggaam gesond te hou.
*Vir meer wenke oor ’n gesonde lewenstyl, besoek www.tastierhealthierchoices.co.za. Wil jy ’n bietjie meer oor voeding, gesondheid en welstand leer? Toes jou kennis met die WelNes IK-hulpmiddel by www.welnesiq.org.
