Naeltrend: Safari Naelkuns

Naeltrend: Safari Naelkuns deur Corné Greeff Hooffoto: Flufi/istock images

Wanneer ek al die dierepatrone sien op klere, dekor en op naels raak ek sommer lus vir ’n Afrika-safari!

Indien jy bang is jy kan soos ’n luiperd of sebra begin lyk en nog nie jou klerekas wil vervang met ’n klompie luiperdmotief-uitrustings nie, is dit dalk die beste om eers by jou naels te begin.

Morgan Taylor wys ons hoe jy die perfekte sebra- en luiperdmotief-naelkuns kan skep:

Safari Naelkuns

Stap 1

Berei jou naels voor en wend dan ’n basislagie op jou naels aan. Wag tot dit heeltemal droog is en wend dan enige naellak van jou keuse aan (Morgan Taylor se Safari No Sudden Mauves is hier gebruik). Vir beter dekking gaan jy dalk meer as een lagie moet aanwend.

Stap 2

Vir dié stap gaan jy ’n ander skakering naellak benodig (Morgan Taylor se Safari Are You Lion to Me? is vir die stap gebruik) asook ’n sponsie. Neem nou die sponsie en skep ’n halfmaan vorm daarmee deur ’n gradient van lig na donker na die punt van die nael te skep.

Laat dit dan ordentlik droog raak.

Stap 3

Gebruik ’n klein kwassie en maak nou kolle naby jou naelbed (die skakering wat in dié stap gebruik is, is die Morgan Taylor Safari Wanna Share a Tent).

Stap 4

Neem nou ’n swart naellak-kleur (Morgan Taylor se Safari Black Shadow is hier gebruik) en maak nou buitelyne met ’n dun kwassie rondom die kolle wat jy in Stap 3 geverf het. Wanneer jy daarmee klaar is skep dan sebastrepe naby die punte van jou naels en maak nog klein kolle waar daar oop spasies is.

Laat dit dan droog word en wend ’n bolagie aan en wag dat dit ook droog word.

Safari Naelkuns

Morgan Taylor in No Sudden Mauve (R163)
Morgan Taylor in Are You Lion To Me? (R163)
Morgan Taylor Wanna Share a Tent? (R163)
Morgan Taylor Black Shadow (R163)

#rrWenk: Onthou om altyd na jy jou naels gedoen het of laat doen het ’n naelserum op jou naelvelletjies aan te wend.

Naelkuns-kwassies:

Vir daardie dun strepies en lyne gaan jy ’n fyn kwassie benodig

1. essence Nail art Duo Stylist (R44)
15 Piece Nail Art Painting Brush set (R249 beskikbaar by takealot.com)

Opplak-naels

Indien dit vir jou te ingewikkeld lyk om die vorige voorkoms self te skep kan jy ook die makliker roete neem deur vals naels of self plakkers op jou naels te plak.