’n Potjie met Franse flair

Genoeg vir 6

45 ml (3 e) olyf- of avokado-olie
250 g blokkiesspek
sout en gemaalde swartpeper
125 ml (½ k) koekmeel
1,4 kg beesstert, gesny
2 uie, gekap
500 g pekeluitjies, geskil
2 wortels, geskil en in 3 cm-stukke gesny
2 knoffelhuisies, gekneus
500 ml (2 k) rooiwyn
250 ml (1 k) aftreksel
15 ml (1 e) tamatiepasta
hand vol tiemieblare
2 lourierblare
500 g knopiesampioene
hand vol pietersielie, gekap

1 Braai die spek bros in die verhitte potjie. Haal uit en hou eenkant.
2 Geur die meel na smaak, rol die beesstert in die meel en verbruin in die verhitte olie in dieselfde potjie.
3 Voeg die uie, pekeluitjies, wortels en knoffel by en verbruin. Geur na smaak.
4 Voeg die rooiwyn, aftreksel, tamatiepasta, tiemie en lourierblare by. Bedek en prut vir sowat 3-4 uur tot die vleis sag is, maar nie van die been afval nie.
5 Pak die sampioene en spek bo-op en prut vir nog 15-30 min. tot die sampioene gaar is.
6 Meng die pietersielie deur en sit voor met kapokaartappels.