Sonder leiding kan ons nie verwag dat Suid-Afrika se jongmense die regte keuses vir hul toekoms maak nie. Nedbank het ’n oplossing hiervoor gekry, en betree vanjaar al die vierde jaar van die ‘My Future, My Career’-program.
Die program sal besonderhede aan 24 000 studente in minderbevoorregte gemeenskappe oor verskillende loopbane verskaf. Verwagtinge in die werksplek word onder meer deur onderhoude en getuienisse in die bedryf verduidelik. Meer as 115 loopbaankeuses word verduidelik, sowel as karaktereienskappe wat die beste by elke opsie pas.
Verskeie Ster Kinekor-teaters bied die reeks (van 16 episodes) aan, en elke student kry ’n nuttige boekie om vir toekomstige verwysing te bewaar. In die boekie is daar ’n opsomming van loopbane, instellings waar hulle kan studeer, hoe om ’n CV op te stel, asook meer inligting oor professionele gedrag in die werksplek.
Vir meer besonderhede oor die program en waar dit aangebied word, klik hier.
