Motorversekering: Oppas vir hierdie slaggat deur Anet Schoeman. Hooffoto: pixabay
Versekering op jou voertuig kan jou baie geld spaar as jy in ’n ongeluk is. maar as jy nie oop kaarte met die versekeringsmaatskappy speel nie, kan dit jou duur te staan kom.
Oppas hiervoor
Of jy die waarheid so effens buig en of dit ’n eerlike fout is omdat jy nie die fynskrif ordentlik gelees of verstaan het nie, die uitkoms bly dieselfde.
Een van die groot redes waarom eise geweier word, kan wees omdat die persoon wat die voertuig die meeste bestuur nie aangegee word as die gereelde bestuurder nie. Die gereelde bestuurder bepaal die risiko van die versekeringsmaatskappy en dus ook jou premie.
’n Jong bestuurder met min ervaring is ’n veel groter risiko as iemand wat al twintig jaar lank bestuur. Moenie in die versoeking kom om jouself as die gereelde bestuurder aan te gee om jou kind se premie te verminder nie. As hy/sy in ’n ongeluk is, gaan ’n assessor ná ’n paar vrae vasstel dat julle jok en die eis afkeur, of net gedeeltelik uitbetaal.
Lees ook: Tieners agter die wiel: Wat ouers en tieners moet weet
