Mode onder R500 – die mooiste trou-uitrustings wat jy nou moet koop Deur Bea Lingenfelder en Susra Matthee. Hooffoto: Verskaf
Onder R500: Troues
1.Die helder rokkie
Vier die somer met ’n prettige rokkie!
Die oorvoustyl is al ’n geruime tyd gewild omdat dit so veelsydig is – dit is net so geskik vir ’n deftige geleentheid as vir ’n koffie-afspraak.
#rrWenk: As jy ’n troue bywoon, hou dit eerder minimalisties met fyner juwele en bykomstighede.
Lees ook: Detoks jou klerekas in ’n japtrap
Oorvourokkie (R429) Woolworths
2. Die haarboog
“Haarjuwele” het hierdie winter met mening by modehuise ingewaai, en gelukkig is dit steeds ‘n tendens vir die somer.
‘n Haarband of –boog kan enige uitrusting vinnig opkikker, en wanneer dit met stene of kralewerk versier is, is dit selfs nie eens nodig vir juwele nie. Maak dit die fokuspunt.
Lees ook: Moderne maniere om pêrels te dra
Haarboog met stene (R359) Zara
3 & 4. Die bypassende pakkie
Bypassende items is ’n maklike oplossing om stylvol te lyk.
Hierdie tendens volg op die snyerspakgier wat weer sy draai in die modewêreld kom maak het.
Ons is veral dol op die wyepypbroek wat jou ’n vleiende, vloeiende en vroulike voorkoms gee.
#rrWenk: Kies ’n ligte materiaal wat jy in die somerson kan dra en lekker in kan dans!
Lees ook: Hoe om hierdie jaar somer blompatrone te dra
Bloes (R329) en Broek (R249) H&M X Concious Collection
5&6. Gemaklike skoene
Met die regte hak sal jy nooit weer jou skoene op die dansbaan hoef uit te trek nie.
Blokhakskoene het die nuwe moet-hê-item geword juis omdat dit so gemaklik is.
Die wighakskoen keer die somer terug saam met die strooi- en kurkmateriale.
#rrWenk: Kies ’n styl wat om jou enkel bind sodat die skoene nie uitgly nie.
Lees ook: Wat trougaste hierdie jaar moet dra
Blokhakskoen (R399) en Wighakskoen (R499) Superbalist
7. Die somersakkie
Die geweefde styl is nie meer net vir die strand nie, jy kan dit nou selfs na troues neem.
#rrWenk: Kies ’n sakkie met ’n gestruktureerde raamwerk vir ’n deftiger voorkoms. Dit pas by enige uitrusting sonder om die voorkoms te oorheers.
Lees ook: Hierdie 8 modefoute kan jou slordig laat lyk
Geweefde sakkie met skouerketting (R499) Forever New
Kry dit hier:
Lees Meer
