Mistieke Marokkaanse dekor vir jou huis en buite-leefarea

Kleurkeuses

Die kleure wat tradisioneel in Marokkaanse dekor gesien word, wissel van helder tot gestroop. Hierdie kleure word ook dikwels verbind met die woestyn of die oseaan. Dit is algemeen om helder kleure soos rooi, oranje, groen en blou in die dekor te sien. Dit word gewoonlik gekombineer met neutrale of kleur-gewaste mure.

Oordadige meubels

Delikaat gekerfde meubels en ryk gestoffeerde items is die belangrikste aspek van Marokkaanse dekor.

Matte

Die Marokkane is bekend vir hul uitsonderlike matte. Tradisioneel word die matte vir beddegoed, komberse of perdesale gebruik. Daar word gefokus op abstrakte en geometriese ontwerpe in kleurvolle en neutrale palette.

Tekstiele

Marokkaanse tekstiele, soos sy en gaas, kan gebruik word om oor meubels te gooi as versiering.

Teëls

Hierdie teëls fokus op geometriese vorms en word aangewend om deur openinge te omraam, as vloerbedekking en as versiering vir fonteintjies.

Lanterns

Marokkaanse lanterns is een van die mees populêre items. Dit word gemaak van koper, of ’n mengsel daarvan. Fyn patrone werp pragtige skaduwees wanneer die lanterns brand.