Meng en pas met strooikussings

Deur Elandrè Swart. Hooffoto: Skinny LaMinx

Strooikussings is een van die maklikste en vinnigste maniere om enige vertrek reg te ruk. Deur net ’n paar strooikussings by te voeg kan jy jou persoonlike styl ten toon stel met ’n groot verskeidenheid patrone, teksture en kleure.

ŉ Strooikussing vir elke styl

Modern

’n Moderne styl is eenvoudig: Bly by kleure soos swart, wit en donkergrys en kies strooikussings met eenvoudige lyne en geometriese vorms.

“Sixth Floor” Klassieke streep-kussingsloop(R99) Superbalist
Switserse kruis-kussingsloop (R400) MonoShop
“Grey gardens” – Driehoekpatroon-kussingsloop (R299)Superbalist
Leeukop-buitelyne kussingsloop (R385) Hello Pretty
Kussing met driehoekpyl-patroon (R400) MonoShop

Boheems

Daar is geen reëls as dit kom by die boheemse styl nie. Onthou dat jy inspirasie van regoor die wêreld trek met ’n boheemse styl. Kombineer ’n verskeidenheid van teksture soos tossels en abstrakte patrone om ’n boheemse gevoel te skep. Neutrale kleure sal jou basis wees met warm aksentkleure soos rooi, oranje, olyfgroen en blou.

Linne-kussingsloop met metaalringe en tossels (R659) Zara
Alpaca-druk strooikussing (R250) Hello Pretty
Wit valspelsstrooikussing (R199.99) Mr Price Home
Olifant-kussingsloop in “retro“- blou (R280) Hello Pretty
“Sixth floor cheyenne”- kussingsloop (R299) Superbalist

Prettig en Bont

Volg jou instink en kies ’n kleur wat vir jou werk. Eksperimenteer met verskillende vorms en patrone om ’n prettige stemming te skep.

“Breeze” – kussing met goue afronding (vanaf R505) Skinny laMinx
“Sixth Floor“-diamantkussingsloop (R99) Superbalist
“Pop” – oranje en wit strooikussings (R335) House of Sofia
“Peddle“- strooikussing (vanaf R485) Skinny laMinx
Pienk sigsagpatroonkussingsloop (R385) Hello Pretty

Almal hou daarvan om ’n bietjie kleur tot ’n vertrek te bring, maar dalk is jy onseker hoe om jou gunsteling-kleure saam te laat werk. Skinny LaMinx het onlangs hul “colour pop“-strooikussingreeks bekendgestel met 12 verskillende soliede kleur-kussings in verskillende vorms en groottes sodat patrone maklik gemeng en gepas kan word.

Skinny laMinx het ook vir ons oulike wenke verskaf oor hoe om ons strooikussings te meng en te pas

Wenk 1 – Vind die “held”

Wie is die hoof van jou bank? Identifiseer die “held” (of hoof) -patroon of kleur om die rigting te gee vir die volgende besluite wat jy moet neem rakende kleure en palet.

Wenk 2 – Bly by ’n styl

Moenie te veel patroon-, styl- en paletkeuses maak nie. Kies een hoofpatroon, breek dit met een of twee ander, meer eenvoudige patroon/patrone, en kies dan een aksentkleur om als bymekaar te laat pas.