Mango-en-klapper-yskastert met pynappelgranita deur Vickie de Beer. Foto: Charles Russel

Mango-en-klapper-yskastert met pynappelgranita

Serves: 6 Cooking Time: 30 Minute 30 Minute Nutrition facts: 200 calories 20 grams fat

Ingredients

Maklike pynappelgranita:
500 g (1 groot ) pynappel, geskil en in blokke gesny
250 ml (1 k) klapperroom
250 ml (1 k) klapperwater
gerasperde skil van 2 lemmetjies
#rrWenk: Maak die granita die dag voor die tyd, dis heerlik en verfrissend. Dis lekker saam met die tert maar kan ook net so geëet word.
Kors:
125 ml (70 g) geroosterde makadamianeute
60 ml (20 g) klapper
126 ml (60 g) gemaalde amandels
15 ml (1 e) heuning
15 ml (1 e) klapperolie
knypie sout
1 eiergeel
Vulsel:
30 ml (2 e) gelatienpoeier
45 ml (3 e) water
500 g mango’s (omtrent 3 middelslag-mango’s) geskil en in blokkies gesny
400 ml-blikkie (2 k) klapperroom
125 ml (½ k) makadamianeutbotter (koop dit by gesondheidswinkels of sekere supermarkte)
uitgedrukte sap en gerasperde skil van 1 groot lemmetjie of 2 kleintjies
knypie sout
1 mango, geskil en fyn verwerk in die voedselverwerker
Opdiening:
1 mango, geskil en in skyfies gesny
vars klapper in skaafsels gesny
vars lemmetjies in kwarte gesny
vars kruisementblare

Instructions

Granita

Meng al die bestanddele in ’n voedselverwerker en verwerk tot fyn.
Skep die mengsel in ’n plat, reghoekige oondpan of metaal-bak en maak met kleefplastiek toe. Sit vir 4-6 uur in die vrieskas, haal uit en laat staan ’n rukkie buite om sag te word.
Krap die granita met ’n vurk om die yskristalle los te woel. Sit terug in die vrieskas tot benodig.

Kors

Voorverhit die oond tot 160 ˚C. Smeer ’n 20 cm-losboom-tertpan met botter.
Meng al die bestanddele in ’n voedselverwerker en verwerk tot fyn krummels vorm. Skep die mengsel in die voorbereide pan en druk die krummels met jou vingers eweredig uit om ’n kors te vorm.
Bak vir 10 min. of tot goudkleurig. Haal uit en laat afkoel.

Vulsel

Sprinkel die gelatien oor die water in ’n klein bakkie om te spons.
Meng die res van die bestanddele in ’n voedselverwerker tot glad.
Skep die puree in ’n groot mengbak. Smelt die gelatien vir 25-40 sek. op die ontvriesstelling van die mikrogolf (moenie laat kook nie!) Gooi die gesmelte gelatien in ’n dun straaltjie
by die mangomengsel en meng goed.
Gooi die mangomengsel in die kors. Gooi die ekstra mangopuree bo-oor en trek dit liggies deur met ’n vurk. Sit vir 2-3 uur in die yskas om te set.
Haal voor opdiening uit die yskas en tooi met ekstra mangoskywe, vars klapperskaafsels, lemmetjies, kruisementblare en laastens die pynappelgranita.

#rrWenk: Ons Suid-Afrikaners hou mos van ’n lekker yskastert. Maar ongelukkig is dit propvol suiker. Hierdie weergawe is lekker vars en romerig met baie minder suiker. Mango’s is laer in koolhidrate (15 g per 100 g) sodat die totale suikerinhoud van die tert nie so hoog is nie.

dessert laekoolhidraat kos vrugte nagereg fruit low carb recipes