Is jou vakansiebestemming malaria-vry?
Het jy geweet malaria stoot jou risiko op ’n miskraam baie op?
Maar moenie dat dit jou vakansieplanne in die wiele ry nie. Die meeste malarialande het ook malariavrye areas. Jy moet net weet waar om vakansie te hou.
Dink maar aan ons land, waar malaria net voorkom in dele van Natal, Mpumalanga en Limpopo, en veral in die laer dele tussen September en Mei.
Kyk hier om te sien wat die malariarisiko’s:
Vir Suid-Afrika in detail:
• www.santhnet.co.za/index.php/malaria-advice-for-travellers/item/330-malaria-risk-map-for-south-africa-2013.html
Vir die res van die wêreld:
• www.cdc.gov/malaria/travelers/country_table/a.html
As jy in ’n malariagebied gaan vakansie hou werk deur hierdie lysie:
• Wat is jou risiko (hoog, medium of laag)?
• In watter maande is jou risiko die grootste? Kan jy eerder in die lae-risikoseisoen gaan? In Suidelike Afrika is die piekmalariaseisoen van September tot Mei.
• Watter soort medikasie moet jy gebruik? Die SA National Travel Health Network het gewoonlik die jongste inligting.
• Maak seker wat die simptome van malaria is. Hou dop en gaan dadelik dokter toe as iemand koorsig raak.
• Wat kan jy inpak om veral snags jouself teen muskiete te beskerm? Dink aan ligte katoenkouse vir jou voete, eenstuk nagklere, ’n muskietnet, ’n muskietweerder om veral rondom die vensters te spuit en ook muskietbranders.
Wat jy ook al doen, moenie onnodige kanse waag nie. Dit kan die res van jou lewe bederf.
