Maak soufflé

Hoe maak jy ’n soufflé?

'); googletag.cmd.push(function() { googletag.display('dfp-300x250-1'); }); document.write(''); }

Smelt 80 g botter en 200 g sjokolade in ’n hittebestande bak wat knus op ’n pot stomende water pas. Haal van die hitte af en meng 4 eiergele, 80 ml (1/3 k) meel, 15 ml (1 e) kakao en 50 g suiker by tot glad. Klop 4 eierwitte en ’n knypie sout saam tot sagtepuntstadium en voeg geleidelik 30 g strooisuiker by. Vou versigtig eers 1/3 van die sagte eierwitte in die sjokolademengsel in en dan die res. Sit 2 Lindt-sjokoladeballe in elke voorbereide bakkie en verdeel die mengsel. Pak die bakkies op ’n bakplaat en bak vir 15-20 min. by 180 °C. Sit met sjokoladesous en room voor.

'); googletag.cmd.push(function() { googletag.display('dfp-300x250-6'); }); document.write(''); }

Doen dit reg

'); googletag.cmd.push(function() { googletag.display('dfp-300x250-2'); }); document.write(''); }

Verf ramekins of bakkies in opwaartse hale met gesmelte botter uit, dit gee rigting aan die soufflé vir die rysslag. Sprinkel strooisuiker in sodat die mengsel daaraan kan klou terwyl dit rys. Verkoel die bakkie voor gebruik, dit verseker eweredige gebak.

Klop die eierwitte in ’n skoon bak tot sagte punte in die meringue vorm sodat die soufflé elasties genoeg is om te rys, en dit keer ook dat die lekkerny hard en krummelrig bak. Vou altyd eers 1/3 van die meelmengsel by die eierwitte in voor jy die res van die eierwitte versigtig invou.

'); googletag.cmd.push(function() { googletag.display('dfp-300x250-3'); }); document.write(''); }

Skraap die bokant met ’n slaplemmes glad. Gly dan die punt van ’n mes om die rand van jou bakkie om te verseker dat die soufflé egalig rys.