Indien jy in dieselfde bootjie sit, is hier ’n paar dinge wat jy moet weet:
Indien jy wel besluit om jou reisplanne te kanselleer, is die kans groot dat jy nie ’n terugbetaling op jou besprekings gaan ontvang nie
Talle reisagentskappe, toeroperateurs en reisversekeringsbeleide bied slegs terugbetalings aan hul kliënte indien ’n bepaalde bestemming deur ’n natuurlike ramp, terroris aanvalle of gewelddadige politiese gebeurtenisse geaffekteer word. Ongelukkig is die toestand in Griekeland nog nie só erg nie.
Vat genoeg kontant saam indien jy met jou reisplanne gaan voortgaan – genoeg om jou hele vakansie te dek
Dit is slegs om te voorkom dat jy knaend ’n OTM sal moet gebruik. Hoewel die landsburgers tans ’n limiet op hul OTM-transaksies ondervind, geld dit nie vir buitelandse debiet- of kredietkaarte nie. Die probleem is egter lang rye en kontanttekorte by talle OTM’e wat landsburgers, sowel as toeriste affekteer. Vermy die stres en dra soveel as moontlik kontant in jou bosak.
Dit is nie ondraaglik daar nie, maar wel by tye ongerieflik
Griekeland se Minister van Toerisme, Elena Kountoura, verseker dat toeriste tydens hul besoek aan dié land ongedeerd daarvan sal afkom. Hiermee gesê sal toeriste tog ongerief met tye ervaar vanweë die OTM-debakel en opgaring wat in sommige supermarkte mag voorkom. Erge krisisse soos stakings, brandstoftekorte en proteste blyk egter nie om kop uit te steek nie.
