Maak jou eie kersversierings van deeg

Jy benodig

• ’n Gladde werkoppervlak (’n silikoonmatjie)
• Wit kunsklei (Jovi-klei)
• Klein koekroller
• Kant of doilie om op die klei te druk
• Kersfees-koekiedrukkers
• Sosatiestokkie
• Verf in die kleure van jou keuse
• Kwas
• Papierhanddoek
• Heritage CPG Podge (Ceramic and Glass Podge)
• Tou

Maak dit so

1. Rol die klei omtrent 5 mm dik uit. Plaas die kant op die klei en rol ferm, maar versigtig daaroor.
2. Gebruik die koekiedrukkers en druk vormpies uit die klei.
3. Maak gaatjies met ’n stokkie waardeur die lussies vir hang gebind gaan word. Laat droog word.
4. Verf die vormpies. Terwyl die verf nog nat is, neem ’n klam doek en vryf lig oor die verf sodat dele van die kant-afdruk sigbaar is, Laat droog word. Glaseer met ’n lag keramiek podge en laat droog word.
5. Bak in ’n koel oond (sowat 50°C-90°C) vir 20 minute. Laat droog word.
6. Maak ’n lussie met die tou deur die gaatjie. Hang op jou boom.

Vir meer inligting kyk by Your Family se webwerf