Die pakkies in die rooi tas is gemaak van koerantpapier wat om ’n vorm (bv. ’n grondboontjiebotter-bottel) gerol is, die bodem is gevorm, die binnekant is gevoer met fyn wit papier, gevul met geskenkies en vasgekram met ’n genommerde sterretjie.
Die wit kalender met die groot swart syfers en groen vere is gemaak van groot nr 4 koffiefilters. Die nommer is gestempel, gaatjies gepons, vasgebind met lint aan ’n draadhanger, en gevul met geskenkies.
.jpg)
Die kalender in die houtlaai is gemaak van ou velle ‘scrap book’-papier wat in koeverte gevou is, die datum is op ’n bypassende etiket gestempel en bo-op die koevert vasgegom, gevul en toegeplak.
Die wit pakkies is gemaak van ‘GP bags‘ (goedkoop kossakkies, waspapiersakkies), ’n hart is bo-op ge-embosseer, die geskenkie is met fyn wit papier toegedraai en binne-in die pakkie geplaas. Vou die rand netjies om en stik met rooi gare vas. Onthou net om die steeklengte ten minste 3 mm te maak en stik die datum, wat gestempel is met rooi ink op wit papier, saam vas.
Vul die pakkies met klein geskenkies soos sjokolade, Kersversierings, Kersboodskappe, lysies van allerhande lekker dinge om gedurende die Feesseisoen te doen, sonbrandroom, spesiale boodskappe, ens.
