Maak die somer ’n bittereinder

Maak die meeste van die laaste paar dae se somersweer deur dié drie dinge te doen!

Besoek jou gunstelingwynplaas

Geniet die buitelug en vang jou laaste paar sonstrale deur ’n staptog in ’n pragtige wingerd. So ook kan jy ’n lekker rooiwyn uitkies wat heerlik saam met jou winterbredies en –sop sal gaan! Hier is ons top keuses:

• Hillcrest Wynplaas
• Jakkalsvlei Private Wynkelder
• Boschendal Wynplaas
• Diemersdal Wynplaas

Kamp saam met vriende

Slaan jou tent vir die laaste keer op voordat die koue jou stuit. Dit is ook ’n goeie verskoning om jou vriendekring vir die laaste buitelug-kuier bymekaar te kry! Besoek jou gunsteling kampplek of probeer een van dié gunstelinge:

• Kruger Nasionale Wildtuin
• Klein-Kariba ATKV-oord
• Dinokeng Natuurreservaat

Hou ’n piekniek

Sluit die somer behoorlik af en hou ’n luilekker piekniek op jou gunsteling grasperk. Maak sommer jou beste somerslaai en mengeldrankie om dit ekstra spesiaal te maak! Dié plekke sal die perfekte agtergrond vir jou piekniek lewer:

• Taalmuseum en -monument
• Voortrekkermonument
• Kirstenbosch Nasionale Botaniese Tuin
• Uniegeboue