Deur Suzanne Kotzé. Hooffoto: Unsplash
Lyk minder moeg met hierdie 16 wenke
1. Hou ’n teelepel onder jou oë vir ’n paar sekonders om te help met swelling.
2. Sproei jou gesig met ’n voorbereidings- of watersproei om verfris te voel.
3. Meng jou sonroom en onderlaag, so kry jy nie net sonskerm en dekking in een nie, maar ook ’n pragtige glansende voorkoms.
4. ’n Verbloemer vir onder die oë is die wêreld se bes bewaarde geheim, glo die grimeer-guru Bobbi Brown. Wend dit liggies aan met ’n kwassie en meng met jou vingers.
5. As jou vel moeg en afgewend lyk, tik ’n bietjie van jou vogroom aan jou wange en ken nadat jy jou onderlaag aangwend het.
6. Meng jou dagroom met ’n bietjie onderlaag. As die room ligreflekterende deeltjies bevat, is dit ’n bonus!
7. Vinnige wenk: gebruik ’n getinte lipsalf (’n perske-skakering werk goed) op jou lippe en wange vir ’n vars voorkoms.
8. Wenkbroue is deesdae amper belangriker as ooggrimering! Kam jou wenkbroue op en vul dit met veerligte hale in met potlood.
9. Krul jou wimpers, dit laat jou oë oper en varser lyk.
10. Maak seker jy hou jou maskara-borseltjie so na as moontlik aan jou ooglid en wend dit in ’n sig-sag beweging aan.
11. ’n Wit of beenkleurige oogpotlood in jou waterlyn laat jou oë varser en minder rooi lyk.
12. Tik deursigtige poeier aan jou ooglede om ekstra olie te absorbeer en kleur meer eweredig te laat lyk.
13. Wend ’n ligte, neutrale oogskadu aan die binnehoeke van jou oë.
14. Wend maskara liggies aan jou onderste wimpers.
15. Gebruik ’n kwassie om enige “smudges” te meng. So lyk dit ook amper soon oogomlyner onder jou oë.
16. Gebruik sproei wat jou grimering langer laat aanbly. Dit verfris ook jou voorkoms.
Lees ook: Laat jou grimering langer hou
