Luukse fluweel

Deur Cornel Dunn. Foto: abracada/istock images

'); googletag.cmd.push(function() { googletag.display('dfp-300x250-1'); }); document.write(''); }

Fluweel kan by enige dekorvoorkoms pas – ons wys jou hoe.

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

Modern

Beperk die vorm van jou meubels tot die 1950s-voorkoms sonder tierlantyntjies. Onthou dat hierdie voorkoms verskeie teksture benodig om effektief te wees. Kry ’n leerpasmaat vir jou fluweelbank en maak gebruik van moderne geometriese muurpapier as fokuspunt. Kies kleure soos rooi, bruin, groen en mosterdgeel.

Luuks

Hierdie voorkoms is sjiek en esteties sterk: Fluweel is die perfekte materiaal om oraloor ’n luukse vertrek te gebruik. Kombineer eenvoudige baliestoele met ’n deurknoopte bank in fluweel. Juweelkleure is hier die beste keuse om ’n ekstra luukse spasie te skep.

'); googletag.cmd.push(function() { googletag.display('dfp-300x250-3'); }); document.write(''); }

Eklekties

Vir ’n eklektiese voorkoms is dit belangrik om baie verskillende teksture en materiale te meng. Meng macramé, rottang, marmer en metaal met die fluweel.

Tradisioneel

Maak hier van lae gebruik: Neutrale en dowwe kleure werk goed. Groen kussings en ’n grys bank kan ’n leerstoel of Oosterse mat komplementeer.

Industrieel

Industriële liefhebbers mag dink dat fluweel nie by hierdie voorkoms pas nie. Fluweel kan egter warmte bring sonder om te ver van hierdie styl te beweeg. Kies fluweel uit ’n koel neutrale palet met kleure soos leiklip, graniet en blou.

Elegant en klassiek

In hierdie voorkoms is jou opsies met fluweel eindeloos. Kies klassieke ontwerpe in meubels soos ’n “Wingback”-stoel in ’n sagte pastelkleur en neutrale fluweel.

Verskaffers:

Mr Price Home | mrphome.com

@Home | home.co.za

Weylandts | weylandts.co.za