‘Laataand by Rian’ keer terug met ’n derde seisoen

Die gewilde TV-aanbieder Rian van Heerden is binnekort weer op die kassie om met die land se grootste nuusmakers te praat in die derde seisoen van Laataand by Rian, wat op 8 Oktober 2024 om 21:00 op kykNET (DStv-kanaal 144) afskop.

'); googletag.cmd.push(function() { googletag.display('dfp-300x250-1'); }); document.write(''); }

Daar word nie getorring aan die program se wenformaat nie: Rian gesels weer in die eerste segment met ’n alombekende persoonlikheid en dan sluit ’n tweede gas as ’n verrassing by hulle aan. Die tweede gas is gewoonlik iemand wat Rian êrens raakgeloop het. Dit alles gebeur by sy restaurant in Pretoria, Delizioso.­­

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

Onder die gaste wat laas saam met Rian gekuier het, tel Thys die Bosveldklong, Whitey Basson, Tereza Troskie-Herbst en Dricus du Plessis.

Rian sien baie uit na die derde siesoen: “Ek en my gaste se geselsies raak nou al so gemaklik dat ek aan die einde van die laaste seisoen vergeet het daar is kameras. Tydens hierdie seisoen wil ek soos gewoonlik ’n paar belangrike (en natuurlik heelwat lighartige) temas met my gaste aanraak. En ek dink daar gaan baie mense wees wat ná afloop van ’n episode stof tot nadenke sal hê.”

'); googletag.cmd.push(function() { googletag.display('dfp-300x250-3'); }); document.write(''); }

In die derde seisoen maak almal van komediante en sangers tot grapmakers en vuurvreterpolitici ’n draai.

Kykers kan uitsien na gesprekke met die radiopersoonlikheid Amore Bekker, die voormalige gyselaar Gerco van Deventer, die minister van korrektiewe dienste, Pieter Groenewald, en die gewese prokureur Peet Viljoen.

“Ek sien veral uit na my gesprek met Alfred Adriaan. Hy is een van my gunsteling- komediante. Ek sien ook baie uit daarna om met die voormalige gyselaar Gerco van Deventer en Karlien van Jaarsveld te praat,” sê Rian.

KYK: Laataand by Rian | Seisoen 3 voorskou

Skakel vanaf 8 Oktober 2024 om 21:00 in op kykNET (DStv-kanaal 144) vir die derde seisoen van Laataand by Rian. Die reeks sal ook op DStv Catch Up en DStv Stream beskikbaar wees.

Lees ook: MultiChoice-groep se plaaslike inhoud spog met die meeste Safta-benoemings