Die groot week het uiteindelik aangebreek.
Op Donderdag 5 Maart 2015 maak kykNET die wenners van die vyfde Fiëstas tydens ’n glansgeleentheid by Kunstekaap Operahuis in Kaapstad bekend.
Die Fiëstas word beskou as die vertoonvenster van Afrikaanse talent waar akteurs, regisseurs, skrywers, musikante en visuele kunstenaars vir hul uitnemende werk van die afgelope jaar vereer word.
Die Fiëstas maak ook van die geleentheid gebruik om kunstenaars vir hul lewensbydrae in diens van die kunste te vereer.
In 2015 vereer die Fiëstas:
Lewensbydrae vir Teater: Marius Weyers
Lewensbydrae vir Teater en Woordkuns: Prof. Adam Small
Lewensbydrae vir Teater en Woordkuns: Wilma Stockenström
Lewensbydrae vir Musiek en Woordkuns: Philip de Vos.
Ter viering van die 50ste bestaansjaar van die Fleur du Cap-toekennings word daar ook spesiale vermelding tydens die Fiëstas aan hulle gemaak.
Vir die tweede jaar in ’n ry sal die geleentheid regstreeks op kykNET, DStv-kanaal 144, om 20h30 uitgesaai word.
Praat saam: #Fiestas2015 @kykNETtv of op facebook by www.facebook.com/kyknet
