Almal wat hul mening gedeel het, het die geleentheid om ’n Clinique-geskenkpak te wen. Wees op die uitkyk vir ons weeklikse Clinique-kompetisies op die rooi rose Facebook-blad. Wenners word in April 2016 aangekondig.
Ons lesers sê hul sê
• “Met #5MinuteMeer sal ek voor die spieël staan en vir myself vertel dat ek mooi lyk, en dat ek ’n goeie dag sal hê. Dan kan ek met selfvertroue wegstap en die dag met reguit skouers aanpak.”
– Charlotte Pretorius
• “Ek sal meer tyd aan my hare spandeer! Deesdae voel dit of my oggende net korter raak en daar is nie tyd vir ’n uitblaas- of krulsessie nie.”
– Cindy Smit
• “Met #5MinuteMeer sal ek my skottelgoed wegpak.”
– Hannelie van Deventer
• “As ek #5MinuteMeer gehad het, sou ek op-dress asof ek na ’n modeparade toe gaan, want ek kry nie baie tyd vit myself nie.
– Anzellé-Marié Hattingh
• “Ek sal my vel en my hande beter versorg.”
– Nadia Faro
#5MinuteMeer net vir jou
1. Maak tyd. Beplan iets spesiaals vir jouself en hou daarby.
2. Tap ’n lekker warm bad. ’n Luukse borrelbad met al jou gunsteling sepies, olies en kerse is ’n moet!
3. Lees daai boek. Maak tyd om verlore te raak in ’n fantasiewêreld.
4. Kook vir jouself. Moenie net ’n mikrogolfete warm maak nie. Maak vir jouself ’n heerlike bord kos, en geniet sommer ’n glas wyn daarby.
5. Knip ’n uiltjie. As jy bietjie moeg en afgerem voel, slaap vir so 15 minute. Jy sal verfris voel wanneer jy wakker word.
