Kruielimonade met tuisgemaakte suurlemoenstroop

Suurlemoenstroop

Genoeg vir 2 x 375 ml-bottels

• 500 ml (2 k) suurlemoensap, deur ’n moeseliendoek gesyg
• 750 ml (3 k) suiker

1. Verhit die sap en suiker tot net voor kookpunt. Roer aan die begin tot die suiker opgelos is.
2. Bottel die stroop warm en verseël dadelik. Berg op ’n koel, droë plek, of in die yskas.

Kruielimonade

Genoeg vir 4

1. Meng ¼ houer suurlemoenstroop (resep bo) met ’n ¾ houer sodawater. Meng ’n hand vol kruie soos tiemie, kruisement en basiliekruid deur.
2. Sit met baie ys voor. Gee die limonade skop met ’n skeutjie of twee vodka.