Krakerige komkommerslaai

Krakerige komkommerslaai deur Vickie de Beer, bygestaan deur Gillionelle Kaba. Foto’s deur Lee Schwagele.

Genoeg vir 6.

Bestanddele

• 3 klein komkommers, met ’n groenteskiller in linte gesny
• 2 babaslaaikoppe soos bindslaai (cos of gem), in kwarte gesny

Marinade vir die uie 

• 75 g (⅓ k) suiker
• 125 ml (½ k) wit-wynasyn
• 1 ui, in ringe gesny

Slaaisous 

• 125 ml (½ k) Amasi
• ½ knoffelhuisie, fyngekap
• 5 ml (1 t) Dijon-mosterd
• 5 ml (1 t) heuning
• gerasperde skil en uitgedrukte sap van 1 suurlemoen

Metode

1. Meng die suiker en witwynasyn in ’n middelslagbak en roer totdat die suiker opgelos het.
2. Marineer die uie vir 10 min. in die asynmengsel.

Slaaisous

1. Meng die Amasi, knoffel, mosterd, heuning en suurlemoenskil en -sap en geur met sout.
2. Pak die komkommerlinte, slaaikwarte en uie op ’n mooi opdienbord en sprinkel die slaaisous oor.