Kortribbredie met rooiwyn en sjokolade

Ingredients

• 50 g botter
• 30 ml (2 e) olyfolie
• 3 repies dik spek, in blokkies gesny
• 2 kort selderyvingers, gekap
• 16 piekeluitjies, geskil
4 knoffelhuisies, gekneus en fyn gekap
• 1,8 kg beeskortrib
• 30 ml (2 e) koekmeel
• 30 ml (2 e) tamatiepasta
• 750 ml (3 k) rooiwyn
• 2 lourierblare
• 2 orego-takkies
• hand vol pietersielie
• 500 ml (2 k) goeie bees-vleisaftreksel
• 6 piment/wonderpeper (all spice)
• 2 naeltjies
• 2 kaneelstokkies
• 5 ml (1 t) komyn
• 100 g 70% donkersjokolade, gekap

Instructions

1 Verhit die helfte van die botter en olie in ’n groot kastrol oor matige hitte.
2 Voeg die spek, seldery, uie en knoffel by. Braai vir 5-6 min. of tot sag. Haal uit en hou eenkant.
3 Geur die vleis met sout en swartpeper, bedek met die meel en skud oortollige meel af. Braai die vleis in die oorblywende botter en olie in sarsies tot goudkleurig. Voeg die tamatiepasta en rooiwyn by.
4 Bind die lourierblare, orego en pietersielie met kombuistou in ’n bondeltjie saam.
5 Voeg by die vleis saam met die aftreksel, speserye en spekmengsel. Geur met sout en swartpeper. Laat prut vir 2 uur oor lae hitte of tot die vleis sag is.
6 Voeg die sjokolade by en roer net voor opdiening goed deur.

sjokolade bredie kortrib

Rooi Rose

Lees Meer

Valentynsoentjies met whisky-karamelsous

10/02/2025

Smelt sjokolade só

07/02/2025

Sjokoladesoentjies met karamelvulsel

06/02/2025