kategorieë: ReisOntspanning

Kerstyd in Londen: 5 onverbeterlike wenke

Deur Lisa Aspeling, versorg deur Mariette Snyman. Foto’s Pexels

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

1. Jou visum

Al gaan jy net vir ’n paar weke soontoe, bied die Verenigde Koninkryk ’n standaard ses maande-toerismevisum aan vakansiegangers. Jy moet ’n beduidende aantal dokumente verskaf: sorg dus dat jy minstens ’n maand voor jou vertrek aansoek doen. Dit laat genoeg tyd vir die prosessering van die visa en enige onvoorsiene oepsies.

'); googletag.cmd.push(function() { googletag.display('dfp-300x250-2'); }); document.write(''); }

Wenk

Move Up (www.moveup.co.za) kan help om jou aansoekproses glad te laat verloop. Hulle hanteer alle soorte VK-visumtipes en belowe selfs ’n geld terug-waarborg.

'); googletag.cmd.push(function() { googletag.display('dfp-300x250-3'); }); document.write(''); }

2. Jou vlug

Jy is dalk verplig om toeristeklas te vlieg, maar jy kan nog verder op jou vlugte spaar. Desember en Januarie word as hoogseisoen beskou, en die groot aanvraag na vliegkaartjies beteken hulle is gewoonlik duurder. Die goue reël vir vlugbesprekings is: hoe vroeër jy jou kaartjie koop, hoe goedkoper sal dit wees.

Wenk

www.kayak.com en www.rometorio.com is twee van ons gunsteling-laekoste internasionale vlugwebwerwe. (En Kersdag en Oukersaand is gewoonlik die goedkoopste hoogseisoendae om te vlieg.)

3. Jou verblyf

Wie sê jy moet deur jou nek vir oorsese akkommodasie betaal? Onthou jy die romantiese Kersfliek, The Holiday, met Kate Winslet en Cameron Diaz? As jy ’n huiseienaar is, of as die persoon by wie jy huur  nie omgee dat jy onderverhuur nie, kan jy hierdie Kerstyd ’n house swap oorweeg. Sluit aan, betaal die registrasiefooi, skep ’n profiel, kyk na die moontlikhede en kontak die eienaars. As jy nie ’n opsie vind wat kan werk nie, kan jy krediete aan ’n eensydige reëling wy. Gaan gerus na www.lovehomeswap.com vir opwindende opsies!

Wenk

Jy kan jou ook as ’n huis- of troeteldieroppasser beskikbaar stel en gratis oorsee gaan bly. Hiervoor moet jy ook by jou gekose webwerf registreer, die registrasiefooi betaal en ’n goeie passing vind.

4. Jou vervoer

Afgesien van vlugkoste en akkommodasie, kan daaglikse vervoerkoste ’n aansienlike duik in jou begroting maak. As jy ’n volle dag aan die besienswaardighede buite Londen wil bestee, kan jy ’n motor huur, maar in Londen self is die gewilde Oyster Card jou beste roep. Die Oyster Card stel jou in staat om die moltrein, bogrondse treine of stadsbusse te gebruik sonder om kontant saam te dra. Koop net jou Oyster Card, laai geld op by die naaste treinstasie, en tik dit op die aangewese plek wanneer jy deur die draaihek beweeg of op die bus klim.

Wenk

Ons kan nie besluit watter een nuttiger is nie: die Citymapper app wat Londen se reisroetes, metodes en pryse vergelyk, of die Rick Steves’ Audio Europe app vir topklas begeleide staptoere in Londen.

Lees ook: Apps wat enige vrou se lewe makliker kan maak

3 Tuinmaak-apps om jou te help

5.  Jou vermaak

As die oudste kultuursentrum in die Engelssprekende wêreld bied Londen ’n reuseverskeidenheid vermaak, toere en museums. Hier vind jy alles – van ongewone restaurante en verstommende kunsuitstallings tot van die heel beste teaterproduksies. Maak seker dat jy minstens een van die volgende hoogaangeskrewe produksies onder oë kry: Wicked, The Play That Goes Wrong, The Lion King of Mathilda. Toegangskaartjies skop af met ongeveer £25 (R500). Bespreek vroeg om seker te maak jy kry jou sitplek.

Wenk

As jy weeksdae om 13h00 by Trafalgar Square is, kan jy ’n wêreldklas klassieke musiekkonsert by St Martin in the Fields bywoon. Daar is geen toegangsgeld nie, maar hulle aanvaar donasies ten bate van die instandhouding van hul pragtige, ou kerk. Kry die konsertskedule op hul webblad.

Deel
Gepubliseer deur
Mariette Snyman

Onlangse plasings

Allerlekkerste ‘sout’ Paasbolletjies

As jy eers hierdie Paasbolletjies geproe het, sal jy nooit weer gewone bolletjies koop nie.…

15 hours Gelede

JY KAN konfyt kook

Ons wys jou hoe om in 3 maklike stappe rabarber, een van die lekkertes van die…

15 hours Gelede

10 redes waarom jy die April-uitgawe van rooi rose móét lees!

  Die lied van haar lewe Sy het ʼn Safta-toekenning vir haar spel in…

15 hours Gelede

WEN dubbelkaartjies na nuwe teaterproduksie ‘Ingrid: ‘n Vlam in die Sneeu’!

Vir die eerste keer op die verhoog word die intieme en hartstogtelike liefdesbriewe tussen Ingrid…

18 hours Gelede

Vyf-vinnige-vrae-Vrydag met Sean Aucamp-van Noordwyk oor sy draai in ‘Suidooster’

Die akteur Sean Aucamp-van Noordwyk (30) het vandeesweek sy verskyning in die gewilde kykNET-sepie, Suidooster,…

18 hours Gelede

‘Kokkedoor Vuur & Vlam’: Regte egte boskos kortwiek byna van die deelnemers

“Daar’s ’n paar goed wat natuurlik so ég Suid-Afrikaans is, dis so moeilik om dit…

1 day Gelede

Hierdie webwerf gebruik koekies.