kategorieë: Skoonheid

Kate Winslet oor grimering en vroulikheid

Wat is jou skoonheidsroetine soggens en saans?
Soggens moet my skoonheidsroetine vinnig gebeur aangesien ek vroeg opstaan om die kinders betyds gereed te kry vir skool. Ek was gewoonlik vinnig met Lancôme se Mousse Éclat wat my vel vars en skoon laat. Daarna sal ek ’n klein hoeveelheid Visionnaire aanklad en onmiddellik Rénergie Multi-Lift (met SPF 15) aanwend.

Saans
was ek weer met die Mousse Éclat. Ek wend dan Rénergie Multi-Lift Redefining Beauty Lotion aan. Hierdie produk is slegs in Asië beskikbaar, of jy kan ’n vriendin vra om dit terug te bring van vakansie af. Laastens sal ek Rénergie Yeux Multi-Lift aanwend. Ek sal ook partykeer ’n klein hoeveelheid Absolute L’Extrait aanwend (dis elke keer ’n verwonderende oomblik).

'); googletag.cmd.push(function() { googletag.display('dfp-300x250-1'); }); document.write(''); }

Hoe berei jy jouself voor vir die rooi tapyt?
Al drink ek oor die algemeen nie baie nie, sal ek ’n paar weke voor ’n rooi tapyt-funksie alkohol uitsny. Dieselfde geld vir sout. Dit kan jou oë baie pofferig maak! Ek probeer gewoonlik om vir ’n paar goeie gesigbehandelings te gaan. Ek eet ook ’n goeie ontbyt aangesien die gesellighede lank duur voordat jy enige kos kry!

'); googletag.cmd.push(function() { googletag.display('dfp-300x250-6'); }); document.write(''); }

Hoe sal jy weelde beskryf?
Weelde of luuksheid is die tyd wat jy saam met jou geliefdes spandeer. Om te lag en aan te hou lag …

'); googletag.cmd.push(function() { googletag.display('dfp-300x250-2'); }); document.write(''); }

Wat is op die oomblik jou luuksheid?
Die sosiale “in-lê” oor naweke!

Wat is jou definisie van elegansie?
’n Vrou wat selfvertroue en styl uitstraal sonder om te veel tyd voor die spieël deur te bring. Minimaal. “Less is always more.”

'); googletag.cmd.push(function() { googletag.display('dfp-300x250-3'); }); document.write(''); }

Wat maak ’n vrou mooi en uniek?
’n Innerlike krag, ’n gevoel van wat sy in die lewe wil hê, die vermoë om dit alles bymekaar te bring en om alles vir almal te wees. Vroue is ongelooflik. Ons doen alles omdat ons kan, en omdat ons moet.

Hoe herstel jy van flugvlouheid?
Ek gaan slaap sodra ek die geleentheid kry en ek drink baie water. Maar, dit vat baie lank en dit word erger hoe ouer ek word!

Hoe sal jy jou karakter beskryf?
Ek het baie energie en ek kan nie stilsit nie. Ek is nuuskierig, ek is oop en ek is avontuurlustig.

Hoe sal jy jou styl beskryf?
Eenvoudig en sjiek (hopelik!) vir die rooi tapyt. In my daaglikse lewe dra ek baie serpe en stewels!

Waarsonder sal jy nie kan lewe nie?
My stem.

Wat is jou lewensmotto?
Ons het een lewe. Leef dit.

Jou grootste bron van persoonlike satisfaksie?
Om geboorte te gee.

As ’n vrou, wat is jou gunsteling herinnering?
Elke liewe Kersoggend …

Wat is jou gunsteling kleur?
Vir klere, swart. Vir die lewe, mentgroen.

Wie is op die oomblik jou gunsteling ontwerpers?
McQueen en Stella McCartney.

Deel
Gepubliseer deur
Rooi Rose

Onlangse plasings

Nare bedmaats: Raad vir stofmyte

Nare bedmaats: Raad vir stofmyte deur Anet Schoeman. Hooffoto: iStock/fongleon356   As jy volgende keer tussen…

16 hours Gelede

Sensitiwiteit: ’n Gawe of ’n vloek?

Sensitiwiteit is nie ’n swakheid of iets wat reggemaak moet word nie. Dis iets wat…

18 hours Gelede

Bob Martin se virtuele portaal vir troeteldierversorging

Soms is dit moeilik om die ouer van ’n troeteldier te wees, veral wanneer dit…

18 hours Gelede

Wat soek ‘Kokkedoor: Son & See’ se beoordelaars? Sjef Yolani Abrahams vertel

Die passievolle kos-entoesias Yolani Abrahams (32) is saam met Herman Lensing een van die beoordelaars…

21 hours Gelede

Dié ekspo in Pretoria bied iets aan vir die hele familie – Dis Outdoor X tyd

Vanaf 30 Mei tot 1 Junie, vind dié ekspo plaas by Idlewild Country Estate, net…

22 hours Gelede

Slim maniere om minder sout te gebruik

Ons kyk hoej jy, as vernuftige tuissjef, heerlike smake met minder sout kan optower én…

2 days Gelede

Hierdie webwerf gebruik koekies.