Jy kan ragù maak

Deur Vickie de Beer. Foto’s deur Lee Malan

'); googletag.cmd.push(function() { googletag.display('dfp-300x250-1'); }); document.write(''); }

Maak groot hoeveelhede ragù op ’n slag, want een keer se moeite lewer sommer ‘n verskeidenheid aandetes. ‘n Geurige ragù kan die basis van lasagne, moesaka, pastei, herderspastei en risotto wees – én dit vries uitstekend.

'); googletag.cmd.push(function() { googletag.display('dfp-300x250-6'); }); document.write(''); }

Wat jy benodig

• Goeie aftreksel is belangrik. Ons gebruik Nomu se Fond-aftreksel as ons nie ons eie gekook het nie.
• Bouquet garni, ’n kruiebossie van pietersielie, lourierblaar en tiemie, gee noodsaaklike geur. Verander die kruie of voeg sitrusskil by, afhangende van die ragù wat jy kook. Lemoen pas by eend en salie by vark.
• Heel, geskilde geblikte tamaties en goeie tamatiepasta is noodsaaklik.
• Rooiwyn word by die meeste vleissouse gegooi om ’n diep kleur en smaak te gee. Ons het port by die eend-ragù gesit omdat eend vir iets soets vra.

'); googletag.cmd.push(function() { googletag.display('dfp-300x250-2'); }); document.write(''); }

Begin met goeie vleis

1 Die klassieke ragù word meestal met ’n mengsel van bees- en varkmaalvleis gemaak.
2 Jy kan ook ’n lams-ragù of selfs ’n sampioen-ragù maak.
3 Die geurige vleissous word gewoonlik met spek, pancetta of lewertjies verryk.
4 Jy kan vir ekstra geur en smaak ook worsies byvoeg.

'); googletag.cmd.push(function() { googletag.display('dfp-300x250-3'); }); document.write(''); }

Maal jou eie vleis

1 Vars gemaalde vleis is vir seker lekkerder as die gekooptes (én jy weet presies wat daarin is).
2 Die meeste staanmengers het ook ’n vleismeul-aanhegsel.
3 Dis belangrik om die vleis en toerusting yskoud te hou sodat die vleis nie oorwerk raak nie.
4 Binneboud (topside) werk goed vir beesmaalvleis en varkblad sorg vir geurige maalvleis vir ragù en wors.
5 Vleis kan ook in ’n voedselverwerker gemaal word, of met ‘n skerp sjefsmes fyn gekap word.