Jy kan ook ‘n lae-bolla bemeester – ons wys jou stap vir stap hoe

Jy kan ook ‘n Lae-bolla bemeester – ons wys jou stap vir stap hoe deur Justine Kroes. Hooffoto: rooi rose

'); googletag.cmd.push(function() { googletag.display('dfp-300x250-1'); }); document.write(''); }

'); googletag.cmd.push(function() { googletag.display('dfp-300x250-6'); }); document.write(''); }

'); googletag.cmd.push(function() { googletag.display('dfp-300x250-2'); }); document.write(''); }

Jy kan ook ‘n Lae-bolla bemeester – ons wys jou stap vir stap hoe

Die lae bolla in die nek, effens deurmekaar maar steeds sjiek en stylvol is die antwoord vir daardie “tussenin” dae wat jy nie graag wil hare was nie maar wel steeds iets meer modieus as ’n doodgewone poniestert wil probeer.

'); googletag.cmd.push(function() { googletag.display('dfp-300x250-3'); }); document.write(''); }

Dit het jy nodig:

• ’n Kam
• Haarrekkies
• Haarknippies
• Haarsproei
• ’n Haarserum of -olie vir haartjies wat regop staan (indien jy het!)

Stap 1

Verdeel die voorste hare van een oor tot die ander in twee seksies. Vir volheid, indien nodig, pluiskam (tease) jou hare bo-op jou kop.

Stap 2

Kam versigtig oor die gepluiskamde hare om dit glad te maak en steek met ’n knippie vas om volheid te behou.

Stap 3

Maak jou hare in ’n poniestert vas en pluiskam die poniestert vir ekstra volheid en tekstuur.

Stap 4

Draai (twist) nou jou poniestert totdat dit styf is en draai dan reg rondom die rekkie. Steek vas om die bolla op sy plek te hou. Haal die knippies van stap 2 uit en kam saggies oor die hare om dit glad te maak. Spuit haarsproei aan om die hare op hul plek te hou.

#rrWenk: Gebruik ’n serum of haarolie (minder as ’n druppel) om fyn haartjies te tem. Hierdie styl werk veral perfek wanneer jou hare nie silwerskoon is nie!

Lees ook: Die een lengte bob ons droom post covid 19 haarstyl

Vir nog skoonheidswenke en nuus volg gerus assistent-skoonheidsredakteur  en stilis Justine Kroes  en skoonheidsredakteur Suzanne Kotzé op Instagram @Stylvol.co.za of volg hulle Facebook blad Stylvol