Jy kan ook ‘n Lae-bolla bemeester – ons wys jou stap vir stap hoe deur Justine Kroes. Hooffoto: rooi rose
Jy kan ook ‘n Lae-bolla bemeester – ons wys jou stap vir stap hoe
Die lae bolla in die nek, effens deurmekaar maar steeds sjiek en stylvol is die antwoord vir daardie “tussenin” dae wat jy nie graag wil hare was nie maar wel steeds iets meer modieus as ’n doodgewone poniestert wil probeer.
Dit het jy nodig:
- ’n Kam
- Haarrekkies
- Haarknippies
- Haarsproei
- ’n Haarserum of -olie vir haartjies wat regop staan (indien jy het!)
Stap 1
Verdeel die voorste hare van een oor tot die ander in twee seksies. Vir volheid, indien nodig, pluiskam (tease) jou hare bo-op jou kop.
Jy kan ook ‘n Lae-bolla bemeester – ons wys jou stap vir stap hoe
Stap 2
Kam versigtig oor die gepluiskamde hare om dit glad te maak en steek met ’n knippie vas om volheid te behou.
Stap 3
Maak jou hare in ’n poniestert vas en pluiskam die poniestert vir ekstra volheid en tekstuur.
Jy kan ook ‘n Lae-bolla bemeester – ons wys jou stap vir stap hoe
Stap 4
Draai (twist) nou jou poniestert totdat dit styf is en draai dan reg rondom die rekkie. Steek vas om die bolla op sy plek te hou. Haal die knippies van stap 2 uit en kam saggies oor die hare om dit glad te maak. Spuit haarsproei aan om die hare op hul plek te hou.
#rrWenk: Gebruik ’n serum of haarolie (minder as ’n druppel) om fyn haartjies te tem. Hierdie styl werk veral perfek wanneer jou hare nie silwerskoon is nie!
Jy kan ook ‘n Lae-bolla bemeester – ons wys jou stap vir stap hoe
Lees ook: Die een lengte bob ons droom post covid 19 haarstyl
Vir nog skoonheidswenke en nuus volg gerus assistent-skoonheidsredakteur en stilis Justine Kroes en skoonheidsredakteur Suzanne Kotzé op Instagram @Stylvol.co.za of volg hulle Facebook blad Stylvol
Lees Meer
