Sorg vir jou juwele

1. Verwyder jou juwele as jy takies in en om die huis doen. Tuinwerk, huis skoonmaak en skottelgoedwas kan jou pragstukke aan chemikaliëe en skoonmaakmiddels blootstel wat dit kan beskadig.

'); googletag.cmd.push(function() { googletag.display('dfp-300x250-1'); }); document.write(''); }

2. Sit jou juwele aan nadat jy jou grimering gedoen het. Haarsproei, parfuum, rome en grimeerprodukte kan skade aanrig.

'); googletag.cmd.push(function() { googletag.display('dfp-300x250-6'); }); document.write(''); }

3. Verwyder jou juwele as jy swem of vir ’n spa-behandeling gaan. Water wat chloor bevat kan met die metale in jou juwele reageer en kleurverandering meebring. Verwyder ook voor jy bad of stort. Seep kan ’n lagie op die items agterlaat wat dit vaal sal laat voorkom.

'); googletag.cmd.push(function() { googletag.display('dfp-300x250-2'); }); document.write(''); }

Maak jou juwele so skoon

1. Gebruik ’n professionele politoerlappie vir die beste resultate. Moenie sneesdoekies of ander lappe gebruik nie, aangesien die vesels in die lappe nadelig kan wees.

2. Maak sorgvuldig skoon. Koop professionele skoonmaakmiddels of gebruik alkohol om merke te verwyder. Vermy enige bleikmiddels.

'); googletag.cmd.push(function() { googletag.display('dfp-300x250-3'); }); document.write(''); }

3. Warm water doen ook wonders om juweliersware skoon te hou. Warm water kan reageer met skoonmaakmiddels wat verkleuring aanhelp, veral met sterling silwer-items. Hierdie probleem kan oorkom word deur herhaaldelike polering.

Bêre jou pragstukke so

1. Bewaar jou juwele in ’n houer en maak seker dat die items knus lê en nie rondskuif nie. Juweliersboksies met materiaalvoering is ideaal.

2. Voorkom verdowwing, veral met goud en silwer. Om die blink kant bo te hou, plaas papiertjies wat dit teenwerk in jou juwelekissie sodat die oksidante (wat dié probleem veroorsaak), geabsorbeer sal word.

3. Formuleer ’n lys van al die juwele in jou besitting. Dit kan maklik wegraak of gesteel word. Dit is ook handig vir jou verekeringseise. ’n Foto, beskrywing en koste van die stuk is belangrike notas wat aangeteken moet word.

4. Wanneer jy met jou juwele reis, gebruik ’n reistassie om jou gunsteling items te beskerm.

Lees ook: Juwele van goud of silwer: Wat sal die beste by my lyk?