Jou Dekorwoordeboek vir 2019 deur Elandrè Swart en Cornel Dunn. Hooffoto: KatarzynaBialasiewicz/istock photos
Anglepoise
Dit is ’n gebalanseerde arm-lamp wat in 1932 ontwerp is. Die vorm daarvan maak dit makliker om die lamp in verskillende posisies te skuif sonder dat dit vasgeklamp hoef te word.
Armoire
Hierdie losstaande, tweedeur-kas dateer uit die 17de eeu in Frankryk en is kenmerkend van Louis XIV-meubels.
Banquette (bang-ket)
Dis ’n lang bank met ’n gestoffeerde sitplek. Dit word geassosieer met eetkamers, kombuis eethoekies en restaurante.
’n Banquette is gewoonlik ingebou, maar deesdae kan ’n settee bank gebruik word in die plek van ’n ingeboude bank.
’n Settee is ’n gestoffeerde bank en bied sitplek vir een of meer mense, maar is slank en meer regop.
Bespoke
Dis ’n Engelse woord wat beteken om ’n pasgemaakte meubelstuk te bestel na jou smaak en spesifikasies.
Hygge (Hugh-gah)
Dit is ’n Deense term en filosofie wat verwys na ’n gevoel van koestering.
Dit behels nie ’n enkele item nie, maar eerder ’n lewenswyse wat jou warm en gekoester laat voel.
Ikat
Dit is ’n kleurtegniek, soortgelyk aan die knoop-en-doop proses om verskillende patrone te maak op materiaal.
Etagère (é·ta·gère)
’n Etagère is oop uitstalrak wat dagteken uit Frankryk in die laat 1800’s en word weer baie gewild.
Chesterfield
Dit is ’n gestoffeerde bank waarvan die arms en die rugleuning dieselfde hoogte is, gewoonlik van leer.
Ottoman
Dit is ’n voetstoel of kan werk as lae sitplek sonder armleunings.
Mid-Century
Dit verwys na ontwerpe wat dateer vanaf die 1940’s tot die 1970’s.
Pendant
Die woord pendant is afkomstig van die Latynse woord pendere, wat beteken om af te hang. ’n Pendant is ’n enkel hanglig.
Kilim
Dit is ‘n tapisserie-geweefde mat. Dit kom tradisioneel vanaf Turkye of Persië (deesdae Iran).
Verskaffers
Knus |knus.co
Weylandts |weylandts.co.za
Woolworths |woolworths.co.za
Sofa Company |za.sofacompany.com
Pilgrimage Spaces |pilgrimagespaces.co.za
Mr Price Home |mrphome.com
Klooftique |klooftique.com
Coricraft |coricraft.co.za
Superbalist |superbalist.com
Lees Meer
