Jou beurtkrag-oorlewingsgids

Jou beurtkrag-oorlewingsgids Deur: Cornel Dunn en Elandrè Swart. Hooffoto: iStock/DNY59

1 Bly op hoogte

Eskom se Push is ’n baie betroubare toep om jou op hoogte te hou van verwikkelinge in die kragtoevoer wat deesdae so vinnig kan verander.

Hou ook jou plaaslike koerant dop om op hoogte te bly met kragonderbrekings in jou buurt.

Eskom se Push-logo

Lees ook: Jou gids tot die verskillende beurtkragfases

2 Belê in sonkrag

Skakel jou warmwatersilinder aan ’n sonpaneel. Ondernemings soos Solar Cape Town verskaf en installeer sonkragsilinders vanaf so min as R10 500. Die produk het ’n 10 jaar waarborg en is SABS-geakkrediteer. Jy kan in die somer tot 50% van jou elektrisiteitverbruik spaar hiermee!

#rrWenk: Sien sonpanele as ’n belegging wat jou in die lang termyn baie waardevol te staan sal kom.

Sonkrag-geyserstelsel (vanaf R10 500) Solar Cape Town

Lees ook: Hoe om die 5 belangrikste beleggings vir jou huis te maak

3 Implementeer gas

Gasstowe is baie vinniger as elektriese stowe. Dit is ook baie goedkoper op die lang duur.

Alhoewel die aanvanklike uitgawe met die aankoop en installasie van ’n gasstoof hoog is, sal jy op die lang duur duisende rande spaar.

Lees ook: Wees gasveilig tydens beurtkrag

Wat jy moet weet oor beurtkrag en versekering

4 Koop herlaaibare of batterygedrewe ligte

Maak seker dat julle genoeg batterygedrewe or herlaaibare ligte en flitse in die huis het tydens die kragonderbrekings. Maak ook altyd seker dat julle genoeg batterye het en dat die ligte gelaai word wanneer die krag weer aan is.

’n Oulike idee is om ’n glasfles met batterygedrewe feetjieliggies te vul. Plaas dit oral in jou huis. Nie net is dit mooi nie, maar dis ook prakties tydens beurtkrag!